Najeriya: An gano bam a cocin jihar Imo

Karanta rubutu kawai domin rage cin data
'Yansanda dai sun ce suna ci gaba da yi wa mutanen tambayoyi.
Bayanan hoto, 'Yansanda dai sun ce suna ci gaba da yi wa mutanen tambayoyi.
An wallafa

'Yansanda a kudu maso gabascin Najeriya sun kama wasu mutane biyar dangane da gano wani abu da ake jin bam ne a wani coci da ke birnin Owerri na jihar Imo.

An dai gano abin ne kunshe a cikin buhu wanda aka ajiye a kofar shiga cocin Winners' Chapel reshen birnin na Owerri ranar Lahadi.

'' A duk sa'adda irin wannan abin ya faru to dole ne a yi kame domin samun bayanan da za su kai ga zakulo wadanda suka kitsa wannan abu,'' inji Mai magana da yawun 'yansanda a jihar Dsp Andrew Enwerem.

Wani wakilin BBC a yankin ya ce tuni dai 'yansandan suka lalata abin da aka gano din, tun kafin ya kai ga fashewa kuma suka dauki matakan tsettsefe wuraren ibada da sauran wuraren hada-hadar jama'a a birnin na Owerri, don a tabbatar da cikakken tsaro.