Za a ci gaba da shari'ar Shell da Bodo

Kamfanin hakar man fetur na Shell ya ce tayin fam miliyan 30 da ya yi wa al'ummar Bodo a yankin Neja-Delta tun bara don cimma masalaha a shari'arsu, na nan daram.

Kamfanin lauyoyi na Leigh Day ne ya shigar da kara a London cikin 2011 a madadin al'ummar Bodo da ke Nijeriya inda ya bukaci Shell ya biya diyyar fam miliyan 300 saboda tsiyayar mai sau biyu da ta gurbata muhallinsu.

Babbar kotun London a wani hukuncin share fage, ta ki amincewa da bukatar biyan fam miliyan 300.

Leigh Day ya ce hukuncin muhimmi ne ga wadanda yake tsayawa don kuwa ya bayyana Shell a matsayin wanda ke da alhakin karewa da yi wa Bututunsa garkuwa.