Gwamna zai yi murabus saboda sace dalibai
Asalin hoton, Getty
An wallafa
Gwamnan jihar Guerrero da ke Mexico ya ce zai yi murabus saboda har yanzu ba a gano dalibai 43 da suka bata fiye da wata daya da ya wuce ba.
Gwamnan, mai suna Angel Aguirre ya sha suka daga 'yan kasar da ma kiraye-kirayen ya sauka daga mulki tun bayan batan daliban lokacin da aka yi arangama da 'yan sanda a birnin Iguala.
Babban mai shari'a na kasar ya ce da alama akwai alaka ta kut da kut tsakanin 'yan siyasa da 'yan sanda da kuma masu safarar miyagun kwayoyi a jihar ta Guerrero.
Ya kara da cewa gwamnan na Iguala, wanda ya tsere, shi ne ya bukaci 'yan sanda su kama daliban sannan suka mika su ga 'yan daba.
