Canada ta dauki mataki kan Ebola

Karanta rubutu kawai domin rage cin data
Jami'an lafiya a Saliyo

Asalin hoton, EPA

Bayanan hoto, Ba Canada ce kadai ta dauki matakin hana mutanen da suka fito daga kasashen da Ebola ta fi kamarai a ciki Bisar shiga kasarta ba.
An wallafa

Kasar Canada ita ce kasa ta biyu da ta soke bawa dukkan mutanen da suka fito daga kasashen yammacin Afurka da cutar Ebola ta fi kamari Bisar shiga cikinta.

Gwamnatin kasar ta ce ba za a ba mazauna kasashen da 'yan kasar da Ebolar ta addaba damar shigowa Canadar ba.

Hukumar Lafiya ta Duniya WHO tace rufe iyakokin kasashe ba zai hana cutar Ebola yaduwa ba.

Har yanzu kasashen Guinea da Laberia da kuma Saliyo su ne inda Ebola tafi kamari.