New Zealand 1-1 Slovakia

Karanta rubutu kawai domin rage cin data
Karawa tsakanin New Zealand da Slovakia
Bayanan hoto, wasu magoya bayan Slovakia suna murnar kwallon da suka ci
An wallafa

An ta shi daya daya tsakanin New Zealand da Slovakia a wasan da suka buga a rukunin F.

Hakan dai na nufin yanzu kowacce kasa na da maki dai dai a rukunin, wanda ya kunshi mai rike da kanbun Italiya da kuma Paraguay.

Slavakia ne dai suka fara zura kwallo a wasan jim kadan bayan dawowa daga hutun rabin lokaci.

Kuma haka su kayi ta kai hare-hare domin neman kara wasu kwallayen, sai hakarsu bata cimma ruwa ba.

Yayinda a mintunan karshe dan wasan New Zeland Reid ya farke mata kwallon.

Kuma wannan itace kwallo ta farko da kasar ta ci a gasar cin kofin duniya cikin shekaru 28, kuma shi ne maki na farko da samu atarihin ta.