Ghana na neman kafa tarihi a gasar ta bana
Wannan ne karo na biyu da Ghana ke halartar zagaye na biyu na gasar cin kofin duniya a jere bayan da tayi hakan a gasar da ta gabata.
Kuma a wannan karon ma ta halarci matakin ne a matsayin kasa daya tilo daga cikin wakilan Afrika a gasar, bayan da ragowar suka gaza.
Ana saran karawar dai za ta kayatar, ganin yadda kasashen biyu ke da matasan 'yan wasan da ke taka leda a sassa da dama na duniya.
Amurka ce dai ta zamo ta daya a rukunin C, bayan da ta doke Aljeriya a wasan ta na karshe. Yayinda Ghana ta zamo ta biyu a rukunin D a bayan Jamus.
Domin ganin sakamakon wasanni kai tsaye da kuma jadawalin rukunai, kana bukatar ka kunna Javascript dinka.
Ana saran Amurka za ta dogara ne kan Landon Donovan na kungiyar LA Galaxy, wanda kawo yanzu ya zira kwallaye biyu a gasar ta bana.
Yayinda ana ta bangaren Ghana za ta dogara kan Asamoah Gyan, wanda ya zira kwallaye shida daga cikin goman da kasar ta zira a bana.
