Wannan ne karo na farko da Uruguay da Ghana ke karawa a wannan mataki
Ghana da Uruguay ba su taba karawa a tsakanin su a gasar kasa da kasa, kuma za su kara ne a filin wasa na Soccer City, a zagayen gab dana kusa da karshe.
Ita dai Ghana na fatan kafa tarihi ne domin zamowa kasa ta farko da ta kai zagayen kusa dana karshe daga nahiyar Afrika.
Kuma za ta dogara ne kan 'yan wasan ta irin su Asamoah Gyan da John Mensah da kuma Stephen Appiah da Sulley Mutari.
Domin ganin sakamakon wasanni kai tsaye da kuma jadawalin rukunai, kana bukatar ka kunna Javascript dinka.
Anata bangaren Uruguay tana kokarin farfado da kimarta ne afagen kwallon kafa, bayan da ta shafe shekaru ba ta yin wani abu na azo a gani.
Duk da cewa kasar ta taba lashe gasar cin kofin duniya a baya, amma yau shekaru talatin kenan rabon ta data kawo wannan matakin.
Kuma za ta dogare ne kan 'yan wasan ta irin su Suarez da Diego Forland domin su fitar da ita kunya.
