Owen Hargreaves zai komo fagen fama a United

Karanta rubutu kawai domin rage cin data
Hargreaves da Ferguson
Bayanan hoto, Owen Hargreaves tare da Sir Alex Feguson
An wallafa

Owen Hargreaves zai komo bugawa Manchester United kwallo bayan shafe lokaci mai tsawo yana jinyar rauni a gwiwarshi.

Ana saran Hargreaves zai taka leda a wasan United da West Brom na ranar Asabar.

Dan shekaru 29, dan kwallon tun a watan Satumban 2008 rabon shi da a fara wasa dashi saboda matsannancin ciwon gwiwa.

Likitan 'yan kwallon United Dokta Richard Steadman ya ce "Owen zai iya buga wasa kadan a ranar Asabar".

An yiwa dan kwallon Ingilan tiyata a gwiwarshi a kasar Amurka a shekara ta 2008 amma yana fuskantar matsala wajen warkewa.

Hargreaves ya koma United daga Bayern Munich a watan Yulin 2007 kuma tun a watan Mayu rabon daya taka leda a kungiyar.