2022:Masu Luwadi kada suyi a Qatar-Blatter
An wallafa
Shugaban hukumar dake kula da kwallon kafa Sepp Blatter ya gargadi 'yan kallo masu luwadi da zasu tafi Qatar don gasar cin kofin duniya a shekara ta 2022 kada suyi harkokinsu a can kasar.
Masu rajin kare hakkin 'yan luwadi sun soki hukuncin baiwa kasar Qatar damar daukar bakuncin gasar saboda a kasar an haramta luwadi.
Amma Blatter cikin wasa ya ce:"bari in fada, masu luwadi sun guji yin harkokinsu a can".
Ya kara da cewar na tabbata za a samu nasara a gasar cin kofin duniya a Qatar ba tare da matsala ba.
Qatar wacce kasar musulunci ce ta bada mamakin samun damar daukar bakuncin gasar cin kofin duniya a 2022 bayan ta samu galaba akan Australia da Japan da Koriya ta kudu da Amurka.
