Brazil ta tsallake zuwa zagayen karshe
An wallafa
Kungiyar kwallon kafa ta kasar Brazil ta tsallake zuwa zagayen karshe a gasar cin kofin nahiyoyi, inda za ta kara da Spaniya ko Italiya.
Brazil ta samu nasarar ne, bayan doke Uruguay da ci 2-1.
A ranar Lahadi mai zuwa ne za a yi karawar zagayen karshen, a filin wasa na Maracana na Rio de Janeiro.
Fred ne ya fara ciwo wa Brazil kwallonta na farko a kashi farko na wasan, kafin Edinson Cavani ya farke wa Uruguay bayan hutun rabin lokaci.
Amma daga bisani Brazil ta jefa kwallo na biyu da ya bata nasara a taka ledar.
