Tennis: Federer da Serena sun yi nasara

Karanta rubutu kawai domin rage cin data
Cikin mintina 84 Federer ya buge Lukas Lacko

Asalin hoton, AFP

Bayanan hoto, Cikin mintina 84 Federer ya buge Lukas Lacko
An wallafa

Roger Federer ya yi nasara a gasar tennis ta Faransa wato Roland Garros inda ya doke Lukas Lacko.

Dan wasan na hudu a duniya wanda sau 17 yana cin babbar gasar tennis ya yi galaba a kan Lacko dan Slovakia da ci 6-2 6-4 6-2.

Federer zai kara a gaba da Diego Sebastian Schwartzman na Argentina wanda ya yi nasara a kan Gastao Elias na Portugal da ci6-4 6-2 75.

Ita kuwa Serena Williams ta fara kare kambin ne na gasar ta Faransa da take rike da shi da nasara a kan Alize Lim 'yar Faransa da ci 6-2 6-1.

'yar wasan ta daya a duniya a bangaren mata ta na neman daukar kofin ne a karo na uku.