Sagna zai koma Manchester City

Karanta rubutu kawai domin rage cin data
Bacary Sagna

Asalin hoton, Getty

Bayanan hoto, Kwantiragin dan Faransan ya kare a karshen kakar wasanni
An wallafa

Manchester City ta cimma yarjejeniyar sayen dan wasan baya na Arsenal, Bacary Sagna.

Dan wasan wanda zai koma Man city, bayan kammala gasar cin kofin duniya a Brazil, ya buga sakon ban kwana ga Arsenal a shafinsa na zumunta.

Tuni dai, aka ba shi riga mai lamba uku da yake sanyawa a tsohuwar kungiyarsa, wadda tsohon dan wasan bayan Brazil, Maicon ya sa a Man City.

A watan yulin shekara ta 2007 ne, Arsenal ta biya Auxerre fam miliyan bakwai a kan Sagna.

Ya buga wasanni 284 a shekaru bakwai da ya yi a Arsenal, kuma sau biyu ana zabarsa cikin ayarin kungiyar gasar Firimiya ta shekara.