Spain ta lallasa Australia da ci 3-0
Asalin hoton, Getty
An wallafa
Masu rike da kanbun gasar cin kofin duniya Spain sun yi bankwana da gasar tare da doke Australia da ci 3-0 a rukunin B a Curitiba.
Kwallaye daga David Villa, Fernando Torres da Juan Mata sun kare Spain daga shan kashi sau uku a jere a karon farko tun shekara ta 1991.
Villa ne ya fara zira kwallo tare da taimakon Juanfran, kafin dan wasan Chelsea Torres ya zira ta biyu.
Juan Mata da ya shigo daga baya ya zira ta uku tare da taimakon Cesc Fabregas wanda shi ma ya shiga wasan bayan an dawo daga hutun rabin lokaci.
