Alves zai sanar da makomarsa a Barcelona

Karanta rubutu kawai domin rage cin data
Dani Alves

Asalin hoton, getty

Bayanan hoto, Alves ya lashe kofuna 17 tare da Barcelona
An wallafa

Dan kwallon Brazil mai tsaron baya a Barcelona zai sanar da makomarsa a kungiyar bayan kammala Gasar cin kofin Zakarun Turai.

Dan wasan mai shekaru 32, wanda ya yi shekaru bakwai a Barca, an yi rade-radin cewar zai koma Paris St-Germain taka leda, bayan da ya ki tsawaita kwantiraginsa.

Barcelona za ta buga Gasar Kofin Zakarun Turai ranar 6 ga watan Yuni da Juventus, kuma za ta buga wasan karshe a Copa del Rey.

A karshen kakar wasan bana ne kwantiragin Alves zai kare da Barcelona, kuma shugaban kungiyar Josep Maria Bartomeu ya ce yana fatan dan wasan zai ci gaba da zama a Nou Camp.

Banda PSG ta Faransa da take zawarcin dan kwallon, an kuma ce watakila Alves ya koma buga gasar Premier kuma da Manchester United.