Liverpool na daf da daukar James Milner

Karanta rubutu kawai domin rage cin data
James Milner

Asalin hoton, BBC World Service

Bayanan hoto, City ba ta tsawaita kwantiragin Milner ba bayan da ta cika a karshen kakar wasan bana
An wallafa

Liverpool za ta tattauna da Manchester City kan batun daukar James Milner a makonnan, wanda kwantiraginsa da City ke daf da karewa.

Liverpool ta dauki batun daukar dan kwallon da mahimmanci ne domin ta ci moriyar karshen zamansa a City da zai cika.

Tuni ma kungiyar Anfield din tace tana da tabbacin za ta cimma yarjejeniya da dan wasan Ingilan mai shekaru 29.

Idan suka cimma matsaya a tsakaninsu, Milner wanda ya koma City daga Aston Villa a shekarar 2010, zai koma Liverpool ranar 1 ga watan Yuli.

Milner ya fara taka leda a Leeds United, sannan ya koma Newcastle daga nan ya yi shekara daya a Aston Villa sai kuma ya koma City kan kudi £26m.