Swansea ta dauki Beattie mataimakin koci
Asalin hoton, Getty
An wallafa
Kungiyar Swansea City ta dauki tsohon dan wasan Ingila James Beattie a matsayin mataimakin kociyanta.
Beattie, mai shekaru 37 ya buga kwallo tare da Garry Monk kociyan Swansea a kulob din Southampton.
Zai kuma yi aiki tare da Kristian O'Leary da Alan Curtis, bayan da aka dora masa nauyin koya wa 'yan wasan gaba yadda ake cin kwallaye a raga.
Beattie ya buga wa Southampton wasanni sama da 200, kuma ya buga wa tawagar kwallon kafar Ingila wasanni biyar.
Swansea ta kammala a mataki na takwas a kan teburin Premier bana da maki 56.
