Aston Villa ta dakatar da Agbonlahor
Asalin hoton, Getty
An wallafa
Kungiyar wasa ta Aston Villa ta dakatar da dan wasanta na gaba, Gabriel Agbonlahor, har zuwa lokacin da aka kammala bincike kan zargin shan tabar Shisha.
An dai dauki hoton dan wasan ne a lokacin da yake hutu a Dubai, rike da tabar Shisha.
Yanzu haka, dan wasan mai shekara 29, ba zai buga wasan da kulob din zai buga da Chelsea ba, ranar Asabar.
Aston Villa dai ita ce ta karshe a teburin gasar Premier Ingila.
