UEFA: Real Madrid ta kai wasan daf da karshe

Karanta rubutu kawai domin rage cin data
Ronaldo ne ya ci dukkan kwallaye ukun

Asalin hoton, Getty

Bayanan hoto, Ronaldo ne ya ci dukkan kwallaye ukun
An wallafa

Real Madrid ta kai wasan daf da karshe a gasar cin kofin zakarun Turai, bayan da ta doke Wolfsburg da ci 3-0.

Cristiano Ronaldo ne ya ci wa Real Madrid dukkan kwallayen uku, inda ya ci ta farko a minti na 16 da fara wasa, ya kuma kara ta biyu a minti na 17.

Ronaldo tsohon dan wasan Manchester United, ya ci kwallo ta uku kuma wadda ta bai wa Madrid damar kaiwa wasan gaba a gasar saura minti 13 a tashi daga karawar.

A wasan farko da suka yi a Jamus, Wolfsburge ce ta doke Madrid da ci 2-0.

Real Madrid ta lashe kofin zakarun Turai sau 10 jumulla.