Man United za ta karbi bakuncin Benfica
Asalin hoton, Getty Images
An wallafa
Manchester United za ta kara da Benfica a gasar cin Kofin Zakarun Turai wasan cikin rukunin farko da za su kece raini a ranar Talata a Old Trafford.
A makon jiya ne United ta ci Benfica daya mai ban haushi a Portugal kuma Marcus Rashford ne ya ci kwallo bayan da aka koma zagaye na biyu a karawar.
Kuma Manchester United da Benfica sun kara a gasar cin kofin Zakarun Turai sau 10, inda United ta ci wasa bakwai, suka yi canjaras biyu, Benfica ta ci wasa daya.
Daya wasan rukunin farkon za a yi ne tsakanin FC Basel da CSKA Moscow a Switzerland.
United ce ke mataki na daya a rukunin farko da maki tara sai Basel mai maki shida, yayin da CSKA Moscow keda maki uku, ita kuwa Benfica ba ta da maki ko daya.
