Jordan Henderson: Kyaftin din Liverpool zai ci gaba da wasa a kungiyar

Karanta rubutu kawai domin rage cin data
Jordan Henderson

Asalin hoton, Getty Images

Bayanan hoto, An bai wa Jordan Henderson kyaftin din Liverpool, bayan da Steven Gerrard ya koma LA Galaxy a 2015
An wallafa

Kyaftin din Liverpool, Jordan Henderson ya saka hannu kan yarjejeniyar ci gaba da taka leda a kungiyar zuwa karshen kakar 2025.

Mai shekara 31, dan kwallon tawagar Ingila ya yi wa Liverpool wasa 394, kuma sauran kaka biyu kwantiragin sa ya kare a Anfield.

Henderson shine na baya-bayan nan da ya ci Champions League da kuma Premier League ya tsawaita yarjejeniyar sa a Liverpool, bayan Fabinho da kuma Andy Robertson.

Wanda ya koma Anfield daga Sunderland a 2011, Henderson ya lashe kofi biyar a Liverpool, inda ya fara da cin League Cup karkashin koci, Kenny Dalglish a shekarar 2012.

A matsayin sa na kyaftin din kungiayar ya daga kofin Premier League da Champions League da Uefa Super Cup da kuma Fifa Club World Cup trophies.

Kwazon da ya sa a lokacin da Liverpool ta dauki Premier a karon farko, bayan shekara 30 ya sa kungiyar marubuta labarin wasanni ta bashi kyautar gwarzon dan kwallon kafa na 2020.