Wadanda ke kan gaba a cin kwallaye a Bundesliga a bana
Asalin hoton, Getty Images
Ranar Lahadi za a karkare wasannin mako na hudu a gasar Bundesliga, wadda tuni aka samu 'yan wasan da ke kan gaba a cin kwallaye.
Robert Lewandowski ne ya zama na daya a yawan cin kwallaye a gasar Bundesliga a bara mai 41. Shin ko a kakar bana zai ci gaba da jan ragama ko kuma Erling Haaland ko Andre Silva ko kuma wani da ba a yi tsammani ba.
Robert Lewandowski
Kungiya: Bayern Munich
Shekarar haihuwa: 33
Wasannin da ya buga: 4
Kwallon da ya ci: 6
A sabuwar kakar bana ta 2021/22 Lewandowski ya ci kwallo a karawar mako na daya da na biyu ya kuma ci uku rigis a wasan mako na uku a fafatawa da Hertha Berlin, hakan ya yi bajintar cin kwallo a wasa 16 a jere a kungiyar.
Haka kuma Lewandoeski ya kara zura kwallo a ragar RB Leipzig a wasan mako na hudu da ta ci 4-1 ranar Asabar.
Wadanda ke kan gaba a cin kwallo a Bundesliga ta bana:
- Robert Lewandowski FC Bayern Munich kwallo 6
- Erling Haaland Borussia Dortmund kwallo 5
- Taiwo Awoniyi FC Union Berlin kwallo 3
- Anthony Modeste FC Koln kwallo 3
- Moussa Diaby Bayer 04 Leverkusen kwallo3
- Patrik Schick Bayer 04 Leverkusen kwallo3
Wasannin mako na biyar a gasar Bundesliga:
Juma'a 17 ga watan Satumba
- Hertha BSC da SpVgg Greuther Furth
Asabar 18 ga watan Satumba
- DSC Arminia Bielefeld da Hoffenheim
- FC Bayern Munich da VFL Bochum
- FSV Mainz 05 da SC Fribourg
- FC Augsburg da Borussia Monchengladbach
- 1. FC Koln da RB Leipzig
Ranar Lahadi 19 ga watan Satumba
- VfB Stuttgart da Bayer 04 Leverkusen
- Borussia Dortmund da FC Union Berlin
- VfL Wolfsburg da Eintracht Frankfurt
