Etu esi akwado uleakwụkwọ: Ihe ikwesiri ịma

Ọ bụrụ na ị na-akwado ụle, ma ịmaghị ebe ị ga ebido ebido ezie, anyị depụtara gị ihe ole maọbụ ole bụ ihe dị ị ga elebere anya nke ga-enyere gị aka ịkpokota echiche gị ma ichetakwa ya bụ ihe ị

gụrụ mgbe ule.

Ihe ndị bụ ihe anyị jụtara ndị ọkamụta dị icheiche ma ụmụakwụkwọ ụbụrụ ha na-anụ ọkụ.

1. Ịgba ụchụ na nrị ụbụrụ

Makana ụbụrụ gị chọrọ ike ọ ga-etinye n'ọrụ, nrị ụtụtụ di oke mkpa.

Nri dị ka "oat", bredi, milik, akwa, azụ tomatosu, ube Bekee na-adị mma iji gbaa ụchụ ụtụtụ.

Mkpụrụ osisi ndị ọzọ dị iche iche na-adịkwa mma n'ụtụtụ.

2. Malite n'oge kwadowa

Bido ị gụ akwụkwọ n'oge. Echela ka oge gawa tupu ị bido amaka emee ngwangwa emerghara ọdachi

Ọ na-adịkwa mma ị gụ akwụkwọ n'ụtụtụ karịa n'ihihie mgbe anwụ pụtara.

Ọ na-adịkwa mma ịnye oge ị ga-eji agụ akwụkwọ kwa ụbọchị.

Ekwela ka chi folahụ gị ebe ị na-agụ akwụkwọ.

3.Mara ụdị ule ị na-aga

Ule ị na-a ga ọ bụ nke edemede, ajụjụ ọnụ ka ọbụ nke ọrụaka?

Ule ọbụla nwere ụzọ esi agụ ya. Ule edemede ekwesighị ka ị gụcha ihe niile asị ka agụọ. Tinye echiche gị n'ole maọbụ ole gụọ ya nke ọma. Ọ bụrụkwanụ ule họrọ otu, ị kwesiri ị gụ karrịa nke a mana ị gaghị agụmị ya agụmị ka nke edemede.

Ọ dị mkpa na ị nwere akwụkwọ gosiri ịhe ịkwesiri ị gụ maka ule ahụ.

4. Hazie usoro agụm akwụkwọ gị

Depụta usoro agụm akwụkwọ gị na ihe niile ị kwesiri ị gụ. Tinyekwa oge ị ga-eji gwuo egwu maọbụ megharịa ahụ.

5. Onye onwe gị ohere

Akpọdola isi n'akwụkwọ mgbe dum.

Emekwala ka ị bụrụ mkpụrụ akwụkwọ niile n'isi nke Bekee kpọrọ "Cramming", ma ka ahụ ghọta ihe ị na-agụ.

Ịdepụta ihe na mpempe akwụkwọ, ịche echiche maka ihe ị na-agụ, gị na ibe gị ịkpa maka ihe ụnụ gụru, itinye onwe gị na "tape" maọbụ na-ekwwntị mgbe ị na-agụ ya ma kpọọ ya mgbe ị mechere, bụ ụzọ ị ga-esi echeta ihe ị gụrụ.

6. Nye onwe gị ule

Ụzọ kacha mma iji mata ma ihe ị gụrụ aka dịkwa bụ itinyere onwe gị ule maọbụ jụọ onwe gị ajụjụ mgbe ị gụchara.

7. Kuziere onye ọzọ

Ga kuziere onye ọzọ ihe ị mụtara iji mara ka ị mụtala ya nke ọma.

8. Dowe ekwentị n'ụsọ

Ekwela ka ekwentị gị megharịa gị anya. Dowe ya n'ụsọ mgbe ị na-agụ akwụkwọ.

9. Ejila egwu agụ akwụkwọ

Nchọpụta gosiri na ndị anaghị eji egwu agụ akwụkwọ ka eche karịa ndị ji egwu agụ.

10.Nwee ezumike kwa mgbe

Ọ na-adịkwa mkpa ịgwụ egwụ mgbe ị gụchara akwụkwọ ma nara ikuku ndụ. Nke a ga-eme ka akwụkwọ gụọ gị agụ ọzọ.

11. Ụra ndị oke mkpa

Nye onwe gị ezigbo ụra abalị. Emela ka ị gụọ akwụkwọ abalị niile. Tinye oge ị kwesiri iji nakpuo ụra.

12. Dere jụụ ma buru n'uche na ihe niile adịla mma

Ugbua ị mụtala ihe ị ga-eme ka akọ na uche gị zuo oke bụ nke ndị oka muta mere nchọpụta puru iche onweghị ihe ọfọrọ gị ugbua.