Оклахомага каран күн салган кара куюн
Кара кум учурган куюн 91 адамдын өмүрүн алды, анын ичинде жыйырма чактысы балдар.
Саатына 200 мил (321км) ылдамдык менен ыркыраган шамал шаардын чекесиндеги райондордо көп имараттарды жер менен жексен кылды.
55000 миң адам жашаган Мур шаарчасына кырсык катуу келди.
Курмандыктардын саны 51 адам деп айтылып жатат, бирок бул көрсөткүч дагы өзгөрүшү мүмкүн, анткени урандылар алдында калгандар бар деп жатышат.
Оклахомадагы медициналык экспертизанын кеңсеси курман болгондордун арасында жыйырмасы балдар экенин айтууда.
Кыйраткыч куюн башталгыч мектептин чатырын учуруп, дубалдарын талкалады.
Дагы жыйырмадай баланын дайын дареги белгисиз бойдон калууда.
Куткаруу иштерине улуттук гвардиянын 200 жоокери, ошондой эле ыктыярдуу күчтөр тартылды.
Кырсыктаган районду тик учактан караганда көчөлөр сапырылган топуракка айланып калганы көрүнөт.
