Калифорниядагы өрт: 1,500дөн ашуун турак жай өрттөлдү

Өрт өчүрүү кызматкерлери аянты 283 чарчы чакырымга жеткен, 14 башка аймакта иш жүргүзүүдө

Сүрөттүн булагы, AFP/GETTY

Сүрөттүн түшүндүрмөсү, Өрт өчүрүү кызматкерлери аянты 283 чарчы чакырымга жеткен, 14 башка аймакта иш жүргүзүүдө
Published

Калифорниядагы өрттөн кеминде 10 адам курман болуп, миңдегендер аймактан чыгарылды. Ысык аба ырайы жана катуу шамаалдан улам Калифорниянын жүзүм өстүргөн аймагында өрт тез тарады. 1,500дөн ашуун имарат өрттөлгөнү маалымдалууда.

Өрт өчүрүү кызматкерлери аянты 283 чарчы чакырымга жеткен, 14 башка аймакта иш жүргүзүүдө. Айтылган аймак жүзүм жана виносу менен белгилүү, Сан-Франциско шаарынын түндүгүндө жайгашкан.

Шамаалдын кубаты саатына 115 чакырым ылдамдыкка жеткендиктен өрт абдан тез тарады.

1,500 ашуун имарат өрттөлгөнү маалымдалууда

Сүрөттүн булагы, Getty Images

Сүрөттүн түшүндүрмөсү, 1,500дөн ашуун имарат өрттөлгөнү маалымдалууда

Калифорниянын губернатору Жерри Браун өзгөчө кырдаал абалын жарыялап, бир нече шаарча эвакуацияланды. Толугу менен сегиз миң турак-жай коркунучта деп айтылууда.

Куткаруучулар аймактан чыга албай калган тургундарга тик учактар менен жардам көрсөтүүдө.

Өрт эмне себептен башталганы белгисиз бойдон. (AT)