Башар Асаддын Кусейр шаарын каратып алган күчтөрү
Сириянын бийликтери стратегиялык мааниси чоң Кусейр шаарын толугу менен каратып алганын билдирүүдө. Ливан менен чектеш турган бул шаар куралдуу оппозициянын башкы тиреги болуп келген.
"Биздин эр жүрөк куралдуу күчтөрүбүз Кусейрдин бүт райондорун өз колуна алды", - деп айтылат Сириянын мамлекеттик телекөрсөтүүсүнүн кабарында.
Кусейр шаары үчүн айыгышкан салгылашуулар эки жумадан бери болуп жаткан.
Бул шаарга ээлик кылуу Ливан менен Сириянын ортосундагы бардык маанилүү жолдорду көзөмөлдөп турууга мүмкүнчүлүк берет.
