Россия Украинага эки миллиард доллар жардам жиберет

Украинада эки айдан бери оппозициянын массалык каршылык акциялары токтобой жатат.

Сүрөттүн булагы, AP

Сүрөттүн түшүндүрмөсү, Украинада эки айдан бери оппозициянын массалык каршылык акциялары токтобой жатат.
Published

Москва декабрда Украинанын солгундай түшкөн экономикасына жардам иретинде $15 млрд убада кылган, бирок анын ичинен берилгени $3 млрд.

Украинанын улуттук валютасы гривнанын наркынан түшүүсү уланууда

Сүрөттүн булагы, AFP

Сүрөттүн түшүндүрмөсү, Украинанын улуттук валютасы гривнанын наркынан түшүүсү уланууда

Өткөн айда массалык толкундоолордун кысымы астында Украинада премьер-министр кызматынан кеткенден кийин Россия жаңы өкмөт куралмайынча кезектеги траншты токтотуп турарын ишара кылган.

Кезектеги транш массалык каршылык акциялардын кысымына кабылган президент Виктор Януковичтин абалын бекемдөөгө жардам болмокчу.

Украинада оппозиция 2004-жылдагы Конституцияга кайтып баруу маселесин парламенттин күн тартибине койдурууга жетишүүгө умтулууда. Бул чара Януковичтин бийлигин чектеп, мөөнөтүнөн мурда президенттик шайлоого алып келиши мүмкүн. Оппозициянын активисттери ушундай талаптар менен Жогорку Раданын алдында жаңы каршылык акциясын өткөргөн жатышат.

Оппозиция ошондой эле баш калаа Киевден сырткары жакта чоң жыйын өткөрүүнү сунуш кылууда.