Иерусалим: автобустагы бомбадан 21 киши жаракат алды
Сүрөттүн булагы, Israeli police
Иерусалимдин түштүк-батышындагы Дерех Хеврон көчөсүндө каттамдагы автобус жарылды. Медиктер кеминде 21 киши жаракат алган, алардын экөөсүнүн абалы оор дешет.
Шаар мериясы автобуста жардыруучу зат иштеп кеткенин билдирди.
Сүрөттүн булагы, Reuters
“Ал анчалык чоң эмес эле, бирок так эле бомба болчу”, - деди мэриянын расмий өкүлү Нир Баркат. Эксперттердин пикиринде, жарылуучу зат автобустун артында иштеген.
Маалымат каражаттары жарылуу учурунда автобуста жүргүнчүлөр жок экенин жазышты. Негизинен коңшу автобустагылар жана жанаша бараткан машинадагылар жаракат алды. Бул унаалардын баары күйдү.
Сүрөттүн булагы, Reuters
Полиция окуяны террористтик кол салуу катары баалап жатат.
Акыркы мезгилдерде израилдиктерге курал менен палистиналыктардын кол салуусу токтобой жатат. Жарылуулар салыштырмалуу аз болот.
