Teyrnged i ddyn teulu a fu farw wedi ffrwged

Mae teulu dyn a fu farw dros y penwythnos wedi ffrwgwd ym Mhrestatyn wedi talu teyrnged iddo.

Bu farw Jonathan Sillett a oedd yn 42 oed.

Cafodd Mr Sillett ei ddisgrifio fel dyn teuluol.

"Gweithiodd yn galed i ddarparu ar gyfer ei deulu a'u gwarchod hyd y diwedd," meddai'r datganiad.

Mae'n gadael gweddw, Hayley, sy'n disgwyl plentyn o fewn y mis nesaf.

Mae ganddyn nhw ferch bedair oed hefyd.

"Fe fydd ei deulu a'i ffrindiau yn ei golli."

Mae chwech person wedi eu harestio ar amheuaeth o ddynladdiad wedi'r digwyddiad.

Y chwech yw dau ddyn 21 oed, dyn 22 oed, dyn 23 oed, dyn 20 oed a menyw 19 oed.

Maen nhw i gyd yn lleol.

Cafodd dyn 22 oed a menyw 21 oed, oedd wedi eu harestio ar amheuaeth o lofruddio, eu rhyddhau ar fechnïaeth nos Lun.

Dywedodd y Ditectif Prif Arolygydd Graham Talbot: "Mae'r ymchwiliadau'n parhau i'r farwolaeth amheus hon ac rydym yn awyddus i siarad ag unrhyw un oedd yn yr ardal ar y pryd ac a welodd unrhyw beth."

Dylai unrhywun â gwybodaeth ffonio'r heddlu ar 101 neu Taclo'r Tacle'n ddienw ar 0800 555 111.