Streic drenau am 24 awr

Bydd gweithwyr rheilffordd yn cynnal streic 24 awr oherwydd anghydfod am ddiswyddo gweithiwr yn Abertawe.

Dywedodd undeb yr RMT fod diswyddo Andy Davies yn "ymateb llym" i rywbeth ddigwyddodd pan nad oedd ar ddyletswydd.

Mae aelodau'r undeb wedi pleidleisio o fwyafrif o ddau i un i alw am iddo gael ei swydd yn ôl.

Ychwanegodd yr undeb fod y cyflogwyr - cwmni First Great Western - heb ystyried record ddilychwin Mr Davies am 30 mlynedd gyda'r cwmni.

Bydd gweithwyr ar y trenau yn streicio ddydd Gwener a dydd Sadwrn ac mae'r undeb wedi dweud y bydd y gweithredu yn amharu ar wasanaethau.

Dywedodd ysgrifennydd cyffredinol yr undeb, Bob Crow: "Mae aelodau'r RMT wedi dewis cefnogi'r undeb a gwarchod cydweithiwr yn yr anghydfod diswyddo annheg yma.

"Ni fydd yr undeb yn sefyll o'r neilltu a gadael iddyn nhw drin eu gweithwyr gyda'r math yma o ddirmyg.

"Mae'r RMT ar gael i gynnal trafodaethau gyda'r nod o ddatrys yr anghydfod ..."