Cymorth cyfreithiol i ymgyrchwyr

Mae ymgyrchwyr yn erbyn cau uned babanod newydd-anedig wedi cael cymorth cyfreithiol ar gyfer adolygiad barnwrol.

Roedd Bwrdd Iechyd Hywel Dda wedi dweud y byddai gwasanaethau'n cael eu symud o Ysbyty Llwynhelyg yn Hwlffordd i Ysbyty Glangwili yng Nghaerfyrddin.

Cyfeiriodd uwchreolwyr y penderfyniad terfynol i'r Gweinidog Iechyd Mark Drakeford.

Mae'r ymgyrchwyr yn herio'r broses gyfeirio.

Cafodd staff wybod y byddai'r gwasanaethau dan sylw yn Ysbyty Llwynhelyg yn dod i ben erbyn mis Mawrth.