د پښتون واکمن علاو الدین غلجي او ملک کافور اړیکي

د فېلم جوړوونکي سنجي لیلا بهانسلي فېلم پدو ماتي یو ځل بیا د بحث موضوع ده. د فېلم په لومړۍ صحنه جوړولو کې د راجپوتانو کرناني پوځ د فېلم پر جوړښت برید کړی و.

فېلم کې د علا والدین غلجي (خلجي) او چتوړ د ملکې پدما وتي د تړاو په هکله کیسه کېږي.

* کنګنا: زه له نورو سره توپیر لرم

* کنګنا رناوت: زه له سړیو کرکه نه لرم

علاو الدین غلجی په هند کې د پښتنو د واکمنۍ بنسټګر بلل کېږي.

په دې وروستیو کې د دې فېلم نوی څرک پیل شوی دی.

لومړني څرک سره د فېلم د کیسې په هکله نظریې پیل شوې دي.

دا هم ویل کېږی چې بهانسلي په دغه فېلم کې د علاو الدین غلجي او د ملکې پدما وتي د مینې کیسې ته پام نه کوي.

* د بالیووډ 'مهربانه مور' مړه شوه

* عدنان سمیع؛ "افغان د کور په لټه کې"

هغه د غلجي او د هغه د غلامانو مشر ملک کافور تر منځ اړیکو ته هم ګوري.

د دې مطلب دا چې فېلم کې رنویر سینګ د همجنس خوښي رول هم ښيي.

ملک کافور څوک و، د علاو الدین غلجي له هغه سره څه اړیکي وو، د دې کیسې څه شی ډېر جالب دي؟ نو په دې هکله د پوهېدلو لپاره د تاریخ پاڼې کتل غواړي.

کافور په اصل کې د ډېلي د سلطان علا والدین غلجي د غلامانو پوځي قومندان و.

د تاریخ کتابونو کې راغلي دي چې د غلجي جنرال نصرت خان د ګجرات په یرغل کې ملک کافور ونیو او غلام یې کړ.

وروسته یې هغه ته پرمختګ (واک) ورکړ.

د علاو الدین غلجي د پوځي قومندان په توګه ملک کافور مغولو ته ماتې ور کړه او بیا یې سوېلي هند کې د خپل واکمن د سوبې بیرغ ودراوه.

پر دې سربېره ډېرو کتابونو کې د غلجي او کافور ترمنځ د ځانګړو اړیکو په هکله ډېر څه لیکل شوي دي.

په هند کې د ار ونیتا او ایس قدوايي په کتاب (هند کې همجنس خوښي) کې راغلي چې ملک کافور د علاوالدین غلجي په پوځ کې له شاملېدلو سره هغه ته زردیناری ویل کېده.

* شاه رخ خان د امریکا هوايي ډګر کې 'نیول' شوی

* شاه رخ خان ته څپلیو جوړولو موچي زندان ته ولېږه

د دې کتاب له مخې غلجي پر ملک کافور ملک ناویات (نایاب) نوم کېښود.

د غلجي په واکمنۍ کې یو شنونکی ضیاء الدین باراني د غلجي د وروستیو ورځو احوال ویلو کې وايي، چې په هغو څلورو پنځو کلونو کې چې کله سلطان د خپل یاداښت د لیکولو ویلي و، نو د ملک ناویات سره ژوره مینه کې ډوب و:

"د حکومت او مامورانو ټول واک یې ور کړی و".

یوه غلام ته د دومره واک ورکولو وجه څه وه، ایا کافور همجنس خوښی و او ایا د غلجي او کافور ترمنځ جسماني اړیکي وو، په دې تړاو بي بي سي له تاریخپوهانو سره خبرې کړې.

هند کې د مغولو د واکمنۍ په هکله مشهور تاریخپوه هربنس مکیا وايي، چې هغه مهال غلامانو ته دومره واک ور کول د حیراني خبره نه وه، هغه مهال کې د غلام مانا د اوس په څېر نه وه.

تاریخپوه مکیا وايي، چې د غلامانو تر ټولو لویه ځانګړنه د هغوی مېړانه وه، چې هغه څومره زړور سرتېر او څومره ژمن دی:

"کافور کې دا دواړه ځانګړنې وې".

د هغه په خبره، کافور ځکه ډېر مهم شوی و، چې د غلجي لپاره یې څو جنګونه وکړل او ویې ګټل.

مکیا وايي، هغه همجنس خوښی نه و.

مکیا زیاتوي، نه کافور همجنس خوښی و او نه هم غلجي د هغه سره جسمي اړیکه وه.

کله چې هغه و پوښتل شو چې په فېلم کې یې د همداسې ښودلو هڅه شوې ده، نو ځواب یې دا و چې فېلمونو کې همداسې څه لیدل کېدی شي.

د هغه په خبره، په فېلمونو کې چې څه لیدل کېږي نو هغه له تاریخ سره تړاو نه لري.