جولیان اسانج ولې د سیاسي پناه غوښتنه کړې؟

بريتانيا کې پوليس وايي د وېکيليکس وېبپاڼې بنسټ ايښودونکی جوليان اسانج د خپل ضمانت شرطونه مات کړي، او اوس له نيونې سره مخامخ دی.

دی اوس په لندن کې د اېکواډور سفارت کې دی، او د سياسي پناه غوښتنه يې کړې ده.

ښاغلی اسانج له بريتانيا نه سويډن ته د سپارنې مقاومت کوي، چې پر دوو ښځو پر جنسي تېري تورن دی.

ښاغلی اسانج وايي پر انټرنېټ د امريکا حکومت د پټو سندونو خپرولو له امله پر ده ظلم کېږي.

برتانیا کې د سیاسي چارو څېړونکی جان محمد اڅکزی له بي بي سي سره د ښاغلي اسانج په اړه خبرې کوي، چې ولې يې له ایکواډور نه د سیاسي پناه غوښتنه کړې او څه وېره لري؟