بیجنګ د ۲۰۲۲ کال د اولمپیک ژمنیو سیالیو کوربه وټاکل شو
د عکس سرچینه، REUTERS
چین هېواد پلازمېنه بیجنګ د اولمپیک د ۲۰۲۲ کال د ژمنیو سیالیو لپاره کوربه وټاکل شو.
قزاقستان لوی ښار الماتا هم د کوربتوب لپاره نوماند وو، خو بیجنګ ته لومړیتوب ور کړل شو.
بیجنګ له دې مخکې د ۲۰۰۸ کال اولمپیک سیالیو کوربه هم وو او په نړۍ کې به د چین پلازمېنه بیجنګ یوازنی هغه ښار وي، چې د المپک د دوبي له سیالیو وروسته د ژمنيو سیالیو کوربتوب هم خپلوي.
بیجنګ ته د اولمپیک سیالیو د کوربتوب د تجربې له کبله غوره والی ورکول شوی دی.
په رایه اچونه کې بیجنګ ۴۴ رایې او الماتا ۴۰ رایې وګټلې.
د کوربتوب لپاره ټاکنې دوه کالې مخکې پیل شوې وې او په دې ټاکنو کې باید د بیجنګ او د قزاقستان پخوانۍ پلازمېنه الماتا څخه یو یې غوره شوی وای.
د کوربتوب په غوراوي کې اوسلو او سټاک هوم دوه نور ښارونه هم شامل و، چې د مالي او سیاسي ستونزو له کبله د کوربتوب لپاره له دغه غوراوي لېرې کړای شول.
د ۲۰۲۲ کال اولمپیک سیالۍ بیجنګ او د دغه ښار په ۱۸ کیلومترۍ کې د ژانګجیاکو ښار کې ترسره کېږي.
