اونۍ په انځورونو کې: ۱۲ - ۱۸ نومبر ۲۰۱۶

دې لپاره چې انټرنېټ مو لږ مصرف شي، یوازې متن ولولئ
د خپرېدو وخت

د نړۍ له لر او بره د خبرونو په زړه پورې انځورونه چې د تېرې اونۍ په لړ کې اخستل شوي دي

ایتلاف ځواکونه په هوایي برید کې د عراق د موصل په ګاونډ کې په تحریر کې د اسلامي دولت (داعش) وسله وال په نښه کړي او خلک په وېره له سیمې تښتي.

د عکس سرچینه، Goran Tomasevic / Reuters

د عکس تشریح، ایتلافي ځواکونو په هوایي برید کې د عراق د موصل په ګاونډ کې په تحریر کې د اسلامي دولت (داعش) وسله وال په نښه کړي او خلک په وېره له سیمې تښتي. ددغه ښار د بېرته نیولو عملیاتو کې عراقي دولتي ځواکونه، کردي پېشمرګه جنګیالي، سني قبایلي وسله وال او شیعه ملېشې ښکېل دي او د امریکا په مشرۍ ایتلاف پوځي سلاکاران او الوتکې یې هوایي مرسته کوي.
سپوږمئ د کوڅې څراغ له شا

د عکس سرچینه، Claude Paris / AP

د عکس تشریح، سپوږمئ له ۱۹۴۸ کال وروسته ځمکې ته تر بل هروخت نژدې تېره شوه او دا انځور یې د فرانسې په مارسیلي کې د کوڅې څراغ له شا لیدل کېږي.
د بریتانیا ملکې الیزابت د لندن په وسټ منسټر کې ددغې یادغونډې مشري کوله.

د عکس سرچینه، Toby Melville / Reuters

د عکس تشریح، د "یکشنبې یاد" په مناسبت د هغو ټولو کسانو په درنښت چې په شخړه کې ووژل شول، په ټول هېواد کې دوه قیقې چوپتیا ترسره شوه. د بریتانیا ملکې الیزابت د لندن په وسټ منسټر کې ددغې یادغونډې مشري کوله.
د موسیقي غږوونکي سیوری د نقاشي شوي انځور څنګ ته پر دیوال لوېدلی

د عکس سرچینه، Cesare Abbate / EPA

د عکس تشریح، د جرمني نقاش یوهانس ورمیر لخوا لوټ سره د ښځې نقاشي د ایټالیا د ناپالس په کاپودیمونټ موزیم کې نندارې ته وړاندې شوه. دا په نیویارک کې د میټروپولیټن موزیم نه په قرض اخستل شوې ده.
تر ۵۰۰۰ ډېر شمېر ناقانونه وسلو انبار د کینیا پلازمېنې نایروبي ته څېرمه په ګانګ کې د پولیسو لخو وسوځول شو.

د عکس سرچینه، Ben Curtis / AP

د عکس تشریح، تر ۵۰۰۰ د ډېر شمېر ناقانونه وسلو انبار د کینیا پلازمېنې نایروبي ته څېرمه په ګانګ کې د پولیسو لخوا وسوځول شو. وسلو کې دواړه ضبطې شوې او تسلیم شوې ګرمې وسلې وې چې په تېره یوه لسیزه کې ترلاسه شوې او انبار شوې وې.
یو ځوان وسله وال په ځمکه وسله وال به لاس ولاړ دی

د عکس سرچینه، John Moore / Getty Images

د عکس تشریح، یو داوطلب ګزمه کوونکی اریزونا ایالت کې د امریکا - مکسیکو پر پوله دی. دا هغې ډلې پورې تړلی چې ادعا کوي ۲۰۰ غړي لري او ځانونه د سرحدي ناقانونه فعالیتونو د کنټرول لپاره د امریکا سرحدي ګزمو ملاتړي بولي.
یو برازیلي پولیس په پلازمېنه ریو دې جینیرو کې د مقننه قوې مخې ته پر یوې لاریون کوونکې اوښکې بهوونکی ګاز کاروي

د عکس سرچینه، Antonio Lacerda / EPA

د عکس تشریح، یو برازیلی پولیس په پلازمېنه ریو دې جینیرو کې د مقننه قوې مخې ته پر یوې لاریون کوونکې ښځې اوښکې بهوونکی ګاز کاروي چېرته چې د مالي بحران د حل لپاره پر اقتصادي ریاضت خبرې کېږي.
یوه پیشو - چې ویل کېږي د ښاغلي اسانژ ده - لندن کې د اکوادور سفارت په یوې کړکۍ کې ښکاري

د عکس سرچینه، Matt Dunham / AP

د عکس تشریح، وروسته له هغه چې سوېډني لوړپوړی څارنوال په لندن کې د اکوادور سفارت ته ننوت ترڅو د ویکي لیکس له بنسټ اېښودونکی جولیان اسانژ نه د جنسي تېري تور په تړاو پوښتنې ګروېږنې وکړي، یوه پیشو - چې ویل کېږي د ښاغلي اسانژ ده - په یوې کړکۍ کې راښکاره شوه او خبریالانو او د اسانژ ملاتړو ته یې کتل چې بهر راټول شوي و.
د کانګو په ډیموکراتیک جمهوریت په بوتمبو کې د کرستال صابون یوه فابریکه

د عکس سرچینه، Eduardo Soteras / AFP

د عکس تشریح، د کانګو ډیموکراتیک جمهوریت په بوتمبو کې د کرستال صابون یوه فابریکه اړ شوې چې په سیمه کې د برېښنا کموالي له امله د اوبو له بخار نه کار واخلي چې د لرګیو په اور جوش شوي. په دغه صابون کې د خرما غوړي د اصلي برخې په توګه کارول کېږي.
د مولداوي به چیسناو کې یوه سړی خپله رایه صندوق ته اچوي

د عکس سرچینه، Gleb Garanich / Reuters

د عکس تشریح، په مولداوي کې د روسیه پلوی ولسمشر ایګور دودون د ۲۰ کلنې واکمنۍ په لړ کې لومړنۍ مستقیمې ولسمشریزې ټولټاکنې ترسره کېږي. د مولداوي ولسمشر له ۱۹۹۶ کال راهیسې د پارلمان لخوا ټاکل شوی دی. دا ټاکنې د هغو دوو ډلو ترمنځ سیالي ده چې یو یې غواړي روسیې سره نژدې اړیکې ولري او بل یې له اروپایي ټولنې سره یوځای کېدل غواړي.