له يوه هندو هلک سره د يوې مسلمانې نجلۍ پر واده جړه
د عکس سرچینه، Arun Laxman
هندوستان کې د يوې مسلمانې نجلۍ او هندو هلک تر منځ واده ناندرې رامنځته کړې دي. که څه هم دا واده اکټوبر کې شوى و خو د خلکو ورته اوس پام اوښتى دى.
هلک گوتم وايي چې د دې واده وروسته ډير گواښل شوى دى.
د گوتم په کور د ډبرو له گوزارونو او د تيليفون او انټرنېټ له لارې له گواښونو وروسته پوليسو د هغوي د امنيت په اړه اضافي گامونه اخيستي دي.
د نجلۍ پلار عزيز د دې واده پر ضد د کيرالا د ښار محکمې ته ورغلى و چې واده غير قانوني وگرځوي.
خو محکمې د هغه دعوه رد کړه.
هلک او نجلۍ دواړو د ودونو په اړه د هندوستان د ځانگړي قانون د غوښتنې پر بنسټ وداه کړى دى.
د عکس سرچینه، Arun Laxman
يوه ځايي خبريال بي بي سي ته ويلي دي چې په تيليفوني گواښونو کې له گوتم څخه غوښتل شوي دي چې په دوو مياشتو کې دننه دې واده ته پاى ورکړي.
پوليس وايې دوى شک لري چې د دې گواښونو ترشاه د شراچوونکو لاس دى چې غواړي سيمه کې تاوتريخوالى پيدا کړي.
د گوتم موراو پلار چې ښوونکي دي دا واده منلى خو دې څخه د مسلمانانو ځايي ټولنې خوښې نه دي.
د عکس سرچینه، Arun laxman
گوتم بي بي سي ته وويل چې ده ته د تيليفون له لارې د مرگ گواښونه کيږي ، نجلۍ ويلي چې له مينې وروسته يې دا واده کړى او خپلې خسرگنۍ کې خوشحاله ده ځکه چې هغه انگور نه بلکې د کور لور گڼي.
