An Nowodhow - the News in Cornish

Available for over a year

Recording 1/3 Myttin da. Yma prederow may hwrello laghys leel nowydh lettya nebes pyskadoryon yn Kernow rag dendil aga bewnans. Desinys veu an laghys nowydh dhe dhifres poblansow a gregyn, yn arbennik, kankres ha legesti. Y’n eur ma, y kevir fest le a gregyn y’n mor a-dro dhe Gernow, drefen aga bos dybrys gans myns bras a gellylli lesa, re beu tennys omma gans dowrow tomma es dell yw usys. Ytho, nyns eus kummyas nafella dhe gokow hirra es dewdhek meter sedhi pottys kregyn y’gan dowrow arvorel. Nebes pyskadoryon, kepar ha Sam Jago, a lever nag yw hemma ewn. Kynth yw y skath brassa es dewdhek meter, koth yw, ha ny yll hi kemmer kemmys kregyn es dell wra skathow arnowydh. Awtorita Pyskessa Nesarvorel Kernow a leveris y vos ow kesoberi gans pyskadoryon rag kavos digolm gwiw dhe skathow-pyskessa a bub braster. Translation 1/3 Good morning. There are worries that new by-laws prevent some fishermen in Cornwall from earning their living. The new laws were designed to protect shellfish populations, especially crabs and lobsters. At the moment, there are far fewer shellfish to be found in the sea around Cornwall because they are being eaten by huge numbers of octopus that have been attracted here by our warming coastal waters. So, boats longer than 12m no longer have permission to lay shellfish pots inshore. Some fishermen, such as Sam Jago, say that this is not fair. Although his boat is longer than 12 meters, it’s old, and and cannot catch as many shellfish as modern boats. The Cornwall Inshore Fisheries Authority said that it was working with fishermen to find a solution suitable for all sizes of fishing vessels. Recording 2/3 Eseli bagasow Tiogow Yowynk Lannstevan ha Worlegan re sevis moy es eth mil beuns a-barth alusenedh Kowetha Penhaligon hag a skoodh fleghes omdhivas. Dres Seythen Genedhlek Tiogow Yowynk, an bagasow a sevis an arghans dre lies hwarvos divers kepar ha knyvyas deves, kegi hanselyow bras, kuntel gwedhennow Nadelik, gwertha busel, ha restra nosow byngo. An aluseneth a skoodh moy es mil flogh omdhivas pub bledhen, ha’y fennsogodhes, Julie Parker hy hanow, a leveris y fedha an arghans devnydhys dhe weres teyluyow der arghasa bagasow leel, ha restra dydhyow kov. Yn-medh hi, “Nyns esons i ow sevel arghans hepken, mes ymons i ynwedh ow sevel godhvos a’gan servisyow, may hallo moy teyluyow bos war a’n skoodhyans kavadow, mar pe dhedha edhom anodho”. Translation 2/3 Members of Launceston and Warleggan Young Farmers’ groups have raised more than £8000 for the charity Penhaligon’s friends which supports bereaved children. During National Young Farmers’ Week, the groups raised money through many different events such as sheep shearing, cooking big breakfasts, collecting Christmas trees, selling dung and organising bingo nights. The charity supports more than 1,000 bereaved children every year, and its chief executive, Julie Parker, said that the money would be used to help families by funding local groups and organising memory days. She said, "Not only are they raising money, but they are also helping to raise awareness of our services, enabling more families to know about the support available should they need it. Recording 3/3 Mirva Chi Pennlegh yn Pennsans re dhynerghis kuntel posek a lymnansow Skol Lulynn ow portraya bewnans y’n kemenethow pyskessa hag amethi Kernow. Perghennys yw an lymnansow gans trest alusenethel Kuntel Bowerman, selys yn Sussex West, hag a re y oberow art yn kendon dhe virvaow ha gwithtiow dre bub rann a’n pow. An diskwedhyans ma a gomprehend dew ugens lymnans gwrys gans artydhyon Skol Lulynn ynter mil eth kans ha peswar ugens ha mil naw kans ha dew ugens. Hag y’ga mysk, displetys vydh oberow gans Stanhope hag Elizabeth Forbes, Walter Langley ha Dama Laura Knight. Y hyllir gweles an diskwedhyans yn Pennsans bys dhe’n nawves a vis Genver kyns ev dhe dhalleth torn kenedhlek, diw vledhen y hirder. Ha henn yw oll ahanav vy an seythen ma. Terebo nessa! Translation 3/3 The Penlee House Gallery in Penzance has welcomed an important collection of Newlyn School paintings depicting life in Cornwall’s fishing and farming communities. The paintings are owned by the Bowerman Collection charitable trust, based in West Sussex, which loans its artworks to galleries and museums throughout the country. This exhibition includes forty paintings created by Newlyn School artists between 1880 and 1940. And amongst them, works by Stanhope and Elizabeth Forbes, Walter Langley and Dame Laura Knight will be on show. You can see the exhibition in Penzance until January 9th before it begins a two-year national tour. And that’s all from me for this week. Until next time! Presenter This week’s An Nowodhow was written and presented by Steve Penhaligon and edited by Wella Morris. Photo of Carn Beach by Weather Watcher Jane Lewarne.