Eritrea yadai kuwaua wanajeshi 200 wa Ethiopia
Iliyochapishwa
Wanajeshi wa Eritrea waliwaua zaidi ya wanajeshi 200 wa Ethiopia na kuwajeruhi wengine zaidi ya 300, wakati wa mapigano kwenye mpaka kati ya nchi hizo siku za Jumapili na Jumatatu, kwa mujibu wa wizara ya habari ya Eritrea.
Wizara hiyo ilisema kuwa Erireta ilizima shambulizi hilo, lililotokea eneo la Tsorona hali iliyowalizmu wanajeshi wa Ethiopia kurudi nyuma.
Hata hivyo Eritrea haikutoa taarifa kuhusu idadi ya wanajeshi wake waliouawa.
Siku ya Jumatatu, Ethiopia ilisema kuwa ilikuwa imesababisha uharibifu mkubwa kwa vikosi vya Eritrea, ambavyo inasema vilikuwa vya kwanza kushambulia.
