Kiongozi wa kijeshi wa Guinea aapishwa kuwa rais wa mpito

Moja kwa moja

1. 1 Oktoba 2021Marcus Rashford: Mshambuliaji wa Manchester arejea katika mazoezi kamili

   

   Chanzo cha picha, Getty Images

   Mshambuliaji wa Manchester United Marcus Rashford ameshiriki katika mazoezi kamiliIjumaa kwa mara ya kwanza tangu afanyiwe upasuaji wa bega.

   Rashford mwenye umri wa miaka 23, ambaye pia ni mchezaji wa kimataifa wa England hajacheza mechi yoyote tangu alipokuwa mchezaji wa akiba katika fainali za Euro 2020.

   Amekuwa akisumbuliwa na tatizo la bega kwa miezi kadhaa na alifanyiwa upasuaji mwanzoni mwa mwezi Agosti.

   "Marcus alifanya mazoezi kamli leo kwa mara ya kwanza na wenzake," amesema meneja Ole Gunnar Solskjaer.

   "Kulikuwa na wasiwasi kidogo, lakini alionekana yuko SAWA, jambo lililokuwa zuri ."

   Akizungumza kwenye mkutano na waandishi wa habari kabla ya mechi ya Primia Ligi ya Jumamosi dhidi ya Everton katika Old Trafford , Solskjaer alikosoampangilio wa mechi.

   United iliicharaza Villarreal katika Championi Ligi JUmatano usiku lakini itacheza chini ya saa 72 baadaye, huku Manchester City na Liverpool, ambazo zilicheza mechi ya Ulaya Jumanne, zikikutana katika mechi ya Championi Ligi siku ya Jumapili.

2. 1 Oktoba 2021Waandamanaji wa Sudan wataka mamlaka yarejeshwe kwa raia

   Maelfu wameandamana katika mji mkuu wa Sudan, Khartoum ili kuonyesha uungaji mkono wa kuhamishwa madaraka kutoka kwa jeshi kwenda kwa raia

   

   Chanzo cha picha, EPA

   

   Chanzo cha picha, NAME

   

   Chanzo cha picha, NAME

   

   Chanzo cha picha, NAME

   

   Chanzo cha picha, NAME

3. 1 Oktoba 2021Kesi ya kasisi aliyedaiwa kubaka yafutwa Afrika Kusini

   

   Chanzo cha picha, REVEREND JUNE MAJOR

   Madai dhidi ya kasisi mmoja wa Afrika Kusini aliyeshutumiwa kumnyanyasa kingono padre mwenzake, imefutwa baada ya kukosa ushahidi wa kutosha.

   Mwezi Juni, Kasisi huyo alishutumiwa kumshambulia mwenzake Melvin Booysen mnamo mwaka 2002.

   Alisema, padre huyo aliingia kwenye chumba ambacho walikuwa wamekaribishwa na familia moja wakiwa seminari na kumshambulia.

   Lakini mahakama ya kanisa la Kianglikana la Afrika Kusini halijapata ushahidi dhidi ya malalamiko hayo au taarifa za kumjulisha askofu wake mwaka 2016, na hakukua na uthibitisho".

   "Hatujaona akaunti yake ikiwa na matukio ya namna hiyo " alisema

   Lakini wamebaini kuwa kasisi Booysen ana hatia ya kutoheshimu faragha za watu".

   Kanisa limependekeza kuwa apate matibabu na kurudia mafunzo.

4. 1 Oktoba 2021Kiongozi wa kijeshi wa Guinea aapishwa kuwa Rais wa mpito

   

   Chanzo cha picha, AFP

   Kiongozi wa kijeshi nchini Guinea Kanali Mamady Doumbouya ameapishwa kuwa Rais wa mpito baada ya kuondolewa kwa Alpha Condé.

   Kiongozi huyu wa jeshi mwenye umri wa miaka , 41, anakuwa kiongozi wa pili mdogo barani Afrika ,akifuatiwa na rais wa Mali, Assimi Goïta,mwenye umri wa miaka 38, ambaye pia aliongoza mapinduzi ya kumuondoa Rais Keita.

   Anatarajiwa kuunda serikali katika wiki chache zijazo.

   Baada ya mapinduzi ya Guinea Kanali Doumbouya alisema askari wake wamechukua uongozi na walitaka kumaliza ufisadi, ukiukwaji wa haki za binadamu na usimamizi mbaya uliokithiri nchini humo.

   Rais Condé alichaguliwa katika uchaguzi uliokumbwa na utata kuongoza kwa muhula wa tatu licha ya maandamano ya ghasia mwaka jana.

   Umoja wa Afrika na Ecowas wameiwekea vizuizi Guinea, wakilitaka taifa hilo lifuate katiba ndani ya miezi sita.

   • Mapinduzi ya Guinea:Rais Alpha Condé akamatwa na jeshi linalodai kuchukua madaraka
   • Mapinduzi Guinea:Mfahamu Kanali Mamady Doumbouya, kiongozi wa mapinduzi nchini Guinea

5. 1 Oktoba 2021Wanaijeria waandamana wakimtaka Rais Buhari ajiuzulu

   Kumekuwa na maandamano katika mji mkuu wa Nigeria, Abuja wakiwa wamebeba mabango yanayomtaka Buhari kuachia madaraka #BuhariMustGo.

   Maandamano hayo yamefanyika katika siku ya madhimisho ya uhuru.

   Polisi waliwatawanya waandamanaji hao kwa kufyatua mabomu ya gesi.

   Haijawekwa wazi kama kuna yeyote aliyekamatwa kufuatiwa maandamano hayo.

   Mwanaharakati wa Haki za binadamu Omoyele Sowore aliwataka raia wa Nigeria kuandamana nchi nzima katika siku ya uhuru wa nchi hiyo.

   Aliweka video za maandamano mjini Abuja:

   Ruka X ujumbe

   Ruhusu maudhui? (Mitandao ya kijamii)

   Mkala hii imebeba madhui yaliyotoka kwenye mitandao ya kijamii. Tunaomba ruhusa yako kabla kitu chochote hakija pakiwa, sababu wanaweza wakawa wanatumia Cookies na tekinolojia nyingine. Unaweza ukasoma sera sera ya kutumia cookies katika mitandao ya kijamii kabla ya kukubali. Kutazama maudhui haya chagua accept and continue

   Bonyeza kisha endelea

   Onyo: BBC haihusiki na maudhui ya nje

   Mwisho wa X ujumbe

   Katika hotuba ya Rais Muhammadu Buhari katika siku ya uhuru haikutoa msisitizo changamoto za kiusalama katika taifa hilo na kushuka thamani kwa fedha ya Nigeria yaani Naira.

   Hivyo suala la kupuuzia kutekwa kwa wanafunzi zaidi ya 1,000 kaskazini mashariki mwa nchi hiyo , Rais Buhari alisema vyombo vya usalama nchini Nigeria zinafanya kubwa na karibu tunafanikiwa katika hilo.

   Kwenye kurasa ya Twitter baadhi ya watu wanaandika juu ya sherehe za uhuru wakati wengi wakiikosoa serikali #NigeriaAt61:

6. 1 Oktoba 2021Bintimfalme Mako wa Japan ataachia wadhifa wake baada ya kuolewa

   

   Chanzo cha picha, Getty Images

   Baada ya utata wa miaka mingi, hatimaye bintimfalme wa Japan Mako ataweza kuolewa na kijana aliyesoma naye na kuwa tayari kuacha wadhfa wake wa kifalme.

   Shirika la Imperial Household limesema, tarehe ya ndoa tayari imepangwa kuwa Oktoba 26.

   Awali, wapenzi hao walipanga kuoana mwaka 2018, lakini ndoa yao ilisitishwa baada ya kubainika kuwa familia ya bwana Komuro ilikuwa ina matatizo ya kifedha.

   Baada ya ndoa , walitarajia kuhamia Marekani , sehemu ambayo bwana Komuro anafanya kazi ya uwakili.

   Hatua hiyo imeandikwa sana kwenye mitandao ya kijamii.

   Bintimfalme huyu alifuatiliwa sana na vyombo vya habari - wakati baba yake ndiye anashikilia taji la mwanamfalme Fumihito -.

   Aidha ,familia ya bwana Komuro imemsababishia mwanamfalme kupata msongo wa mawazo kwa miaka kadhaa, shirika la Imperial Household lilisema, kwa mujibu wa chanzo cha habari cha Kyodo.

   Shangazi yake, Empress Masako, pia alikuwa anasumbuliwa na ugonjwa unaohusiana na msongo wa mawazo ,baada ya kupata msukumo mkubwa wa kupata mtoto wa kiume ili awe mrithi. Mara nyingi kuna unyanyapaa wa magonjwa ya akili nchini Japan.

   Wapenzi hao walikutana kwa mara ya kwanza mwaka 2012 wakiwa wanafunzi wa chuo kikuu cha International Christian mjini Tokyo.

   • Mahojiano ya Oprah kwa Harry na Meghan: Je ni kwanini familia ya Kifalme Uingereza inaitwa 'Kampuni'?
   • Mahojiaono ya Meghan na Harry: Familia ya Kifalme 'haina ubaguzi' - Mwanamfalme William

7. 1 Oktoba 2021Korea Kaskazini yajaribu kombora la nne ndani ya mwezi mmoja

   

   Chanzo cha picha, Reuters

   Korea Kaskazini imesema kuwa imefanyia majaribio kombora jimpya la kupambana na ndege siku ya Alhamisi, hili likiwa la nne kujaribiwa chini ya mwezi mmoja.

   Waziri wa mambo ya nje wa Marekani Anthony Blinken amesema jaribio hilo "linabuni mazingira mabaya ya kukosekana kwa utulivu na usalama".

   Pyongyang inasema kuwa inahitaji silaha zake kujilinda, ikishtumu Marekani na Korea Kusini kwa "unafiki".

   Majaribio ya hivi karibuni ya silaha za Korea Kaskazini -inaonyesha kuwa nchi hiyo inaongeza mpango wake wa silaha.

   Kulingana na shirika la habari la serikali KCNA, kombora hili jipya la kupambana na ndege lilionyesha "utenda kazi mzuri mzuri na pia ni mamoja ya" teknolojia mpya muhimu".

   Marekani imekua ikitoa wito kwa Korea Kaskazini kuachana na uundaji silaha za nyuklia, huku uhusiano wa Pyongyang na utawala wa Rais Joe Biden kufikia sasa ukikumbwa na mvutano.

   Mwezi uliopita shirika la atomiki la Umoja wa Mataifa lilisema Korea Kaskazini huenda ilianzisha tena mtambo ambao unaweza kuzalisha madini ya Plutonium ambayo hutumika kutengeza silaha za nyuklia, na kuiita maendeleao "yanayosumbua sana".

   

   Chanzo cha picha, Reuters

   Jaribio la kombora hili jimpya linakuja siku moja baada ya Rais Kim Jong-un kuashiria kuwa anataka kuregesha mawasiliano muhimu kati ya nchi hiyo na majirani zao wa Kusini.

   Bwana Kim hata hivyo, alishutumu Marekani kwa "kupigia debe 'ushirikiano wa kidiplomasia' ... lakini yote ni njama ya kudanganya jamii ya kimataifa na kuficha vitendo vyake vya uhasama"

   Baadhi ya wachambuzi wanaamini hatua ya Pyongyang inalenga kusambaratisha uhusiano kati ya Washington na Seoul kwa kuendeleza mawasiliano na Korea Kusini na kutenga Marekani.

   Hata hivyo, kuna uwezekano Korea Kaskazini inategemea Seoul kuishinikiza Marekani kulegeza vikwazo dhidi yake.

   Kwa nini Korea Kaskazini inaendelea na jaribio makombora?

   Kwanini jaribio la kombora la Korea Kaskazini linaweza kuyatia hofu mataifa mengine?

8. 1 Oktoba 2021Rais wa Nigeria aamuru kuondolewa kwa marufuku ya Twitter

   

   Chanzo cha picha, Reuters

   Rais wa Nigeria Muhammadu Buhari ameamuru kuondolewa kwa marufuku dhidi ya mtandao wa kijamii wa Twitter,ikiwa kampuni hiyo ya kubwa ya teknolojia itafikia masharti flani.

   Rais Buhari alisema Wanigeria wanaweza kuendelea kutumia mtandao huo kwa ajili ya "biashara na masuala mengine muhimu".

   Katika hotuba yake ya kuadhimisha siku kuu ya uhuru wa nchi hiyo,r ais alisema kwamba kamati maalum ya ofisi yake inajadiliana naT witte rkuhusu masuala kadhaa ya usalama wa kitaifa, ushuru wa haki na utatuzi wa mizozo.

   Serikali ya Nigeria ilipiga marufuku huduma zaTwitter tangu mwezi Juni baada ya mtandao huo wa kijamii kufuta ujumbe tata wa Rais Buhari.

   Marufuku hiyo ilikosolowe vikali na mashirika ya kutetea haki za binadamu na wanaharakati wa kutetea uhuru wa vyombo vya habari.

   Twitter Nigeria: Kampuni za simu zaagizwa kufungia mtandao wa Twitter

9. 1 Oktoba 2021Rais wa Zambia akanusha mazungumzo ya haki ya wapenzi wa jinsia moja Marekani

   

   Chanzo cha picha, Reuters

   Rais wa Zambia Hakainde Hichilema amekanusha kufshiriki mazungumzo juu ya haki ya wapenzi wa jinsia moja wakati alipohudhuria mkutano mkuu wa Umoja wa Mataifa mjini New York.

   Uhusiano wa jinsia moja umepigwa marufuku nchini Zambia, ambako sheria za enzi za ukoloni wa Uingereza juu ya mapenzi ya jinsia moja bado zinatumika.

   Rais Hichilema alitoa tamko hilo siku ya Alhamisi wakati wa hotuba yake kwa taifa iliyorushwa moja kwa moja kutoka mji mkuu, Lusaka baada ya kuombwa kuweka wazi aliyoangazia katika ziara yake.

   "Hatukuenda huko kuzungumzia haki ya wapenzi wa jinsia moja. Hili ni jambo ambalo nataka kusema kwa msisitizo, "alinukuliwa akisema na gazeti la Zambia Daily Mail.

   Aliongeza kuwa katiba ya Zambia ilikua wazi kuhusiana na masuala yanayohusu haki ya wapenzi wa jinsia moja, ilisema ripoti ya tovuti ya Lusaka Times

   Marekani ilimuita nyumbani balozi wake nchini Zambia mnamo Disemba 2019 kati kati ya mzozo wa kidplomasia ulisababishwa na kauli ya balozi huyo baada ya kufungwa jela kwa wapenzi wa jinsia moja.

   Serikali ya Zambia ilimshtumu kwa kujaribu kuingilia sera zake.

   • Fahamu mataifa yaliohalilisha na kupinga mapenzi ya jinisia moja Afrika
   • Hakainde Hichilema: 'Mchunga ng'ombe' aliyeibuka kuwa rais wa Zambia
   • Hakainde Hichilema:Tundu Lissu,Raila Odinga na Bobi Wine wanaweza kujifunza yapi kutoka kwake?

10. 1 Oktoba 2021UN yashangazwa na Ethiopia kwa kuwafukuza maafisa wake wakuu

    

    Chanzo cha picha, AFP

    Umoja wa Mataifa (UN) imeelezea kushtushwa kwake na hatua ya Ethiopia kuwafukuza nchini humo maafisa wake wakuu.

    Hii ni baada ya Ethiopia kuwapatia maafisa saba wakuu wa Umoja huo muda wa saa 72 kuondoka nchini humo "kwa kujihusisha na masuala yake ya ndani", kupitia ujumbe wa Tweeter kutoka kwa wizara ya mambo ya nje.

    Katibu Mkuu wa Umoja wa Mataifa António Guterres amesema UN inashirikiana na serikali "kwa matarajio kwamba "wafanyikazi walioathiriwa na hatua hiyo wanaweza "kuendelea na kazi yao muhimu".

    Maafisa hao ni pamoja na wakuu wa shirika la watoto la Umoja wa Mataifa Unicef, Adele Khodr, na kaimu mkuu wa ofisi ya masuala ya binadamu Grant Leaity,UNOCHA.

    Umoja wa Mataifa hivi karibuni ulieelezea wasiwasi wake kufuatia ya hatua ya kuwekwa kwa vizuizi vya misaada kufika eneo la Tigray linalokumbwa na mzozo.

    Inakadiria kuwa zaidi ya watu milioni tano kaskazini wanahitaji msaada wa kibinadamu.

    • Mgogoro wa Ethiopia:Kwanini mamia ya malori yamekwama?
    • Mzozo wa Tigray: Msaada mkubwa wa kibinadamu unahitajika

11. 1 Oktoba 2021Mtu 'aliyepotea' ajipata miongoni mwa watu wanaomtafuta

    

    Mtu mmoja nchini Uturuki amezua kihoja baada ya kujipata kwa bahati mbaya miongoni mwa watu waliokuwa wakimtafuta kwa saa kadhaa kabla ya kufahamu anayetafutwa ni yeye, vyombo vya habari vimeripoti.

    Beyhan Mutlu alikuwa akiburudika kwa vinywaji akiwa na marafiki zake siku ya Jumanne alipopotea katika mkoa wa Bursa.

    Alipokosa kurudi nyumbani, mke wake na marafiki zake walifahamisha mamlaka katika eneo hilo na shughuli ya kumtafuta ikaanza.

    Bw.Mutlu, 50, baadae alipatana na watu waliokuwa wakimtafuta mtu aliyepotea naye akaamua kujiunga nao, kituo cha NTV kiliripoti.

    Lakini waliokua wakimtafuta walipoanza kuita jina, aliitika akisema: "Niko hapa."

    Alipelekwa pembeni na maafisa wa waokoaji kuandikisha taarifa.

    "Msiniadhibu vikali, ofisa. Baba yangu ataniua," aliripotiwa kuwaambia.

    Polisi baadaye walienda nyumbani kwa Bwana Mutlu. Haijabainika ikiwa aliItozwa faini.

12. 1 Oktoba 2021Kiongozi wa kijeshi wa Guinea kuapishwa kuwa rais

    

    Chanzo cha picha, GUINEA TV

    Kiongozi wa kijeshi nchini Guinea Kanali Mamady Doumbouya anatarajiwa kuapishwa leo kama rais wa mpito.

    Sherehe ya kuapishwa kwake itafanyika katika ikulu ya rais na itahudhuriwa na wale walioalikwa pekee.

    Kanali Doumbouya aliongoza mapinduzi yaliyomuondoa madarakani Rais Alpha Condé mapema mwezi uliopita.

    Anatarajiwa kuunda serikali katika wiki chache zijazo.

    Kiongozi huyo wa kijeshi aliye na miaka 41, atakuwa kiongozi wa pili wa Afrika mwenye umri mdogo kuongonza nchi, mdogo zaidi akiwa ni wa Mali Kanali Assimi Goïta, 38 ambaye aliongoza mapinduzi ya kumng’oa madarakani Rais Keïta.

    Baada ya mapinduzi ya Guinea Kanali Doumbouya alisema askari wake wamechukua uongozi na walitaka kumaliza ufisadi, ukiukwaji wa haki za binadamu na usimamizi mbaya uliokithiri nchini humo.

    Rais Condé alichaguliwa katika uchaguzi uliokumbwa na utata kuongoza kwa muhula wa tatu licha ya maandamano ya ghasia mwaka jana.

    Mapinduzi Guinea:Mfahamu Kanali Mamady Doumbouya, kiongozi wa mapinduzi nchini Guinea

    Je mapinduzi ya kijeshi yanaongezeka Afrika?

13. 1 Oktoba 2021Karibu katika matangazo ya moja kwa moja leo Ijumaa 01.10.2021.