Watu wenye silaha wamkata kichwa mwanasiasa mwingine Nigeria

Moja kwa moja

1. 23 Juni 2022Muogeleaji wa Marekani Anita Alvarez aokolewa na kocha wake baada ya kuzirai katika bwawa la kuogolea

   Mwanamichezo muuogeleaji wa Marekani Anita Alvarez alilazimika kuokolewa na kocha wake baada ya kupoteza fahamu na kuzama kwenye bwawa (swimming pool) kwenye Mashindano ya Dunia ya Aquatics.

   Binti huyo mwenye umri wa miaka 25 hakuwa anapumua na alikuwa amezama baada ya kukamilisha mzunguko wake wa kwanza wa kuogelea katika fainali ya bila malipo akiwa peke yake mjini Budapest.

   Kocha wake, Andrea Fuentes, aliijitupa kwenye maji na kumvuta Alvarez hadi juu kabla ya kuchukuliwa kwa machela kwa ajili ya matibanbu. Timu ya kuogelea ya Marekani baadaye ilitoa taarifa ikisema Alvarez "anajisikia vizuri sasa".

   Ruka X ujumbe

   Ruhusu maudhui? (Mitandao ya kijamii)

   Mkala hii imebeba madhui yaliyotoka kwenye mitandao ya kijamii. Tunaomba ruhusa yako kabla kitu chochote hakija pakiwa, sababu wanaweza wakawa wanatumia Cookies na tekinolojia nyingine. Unaweza ukasoma sera sera ya kutumia cookies katika mitandao ya kijamii kabla ya kukubali. Kutazama maudhui haya chagua accept and continue

   Bonyeza kisha endelea

   Onyo: BBC haihusiki na maudhui ya nje

   Mwisho wa X ujumbe

   Alvarez aliwahi kuzimia pia hapo mwaka jana akifanya mazoezi ya kufuzu kwa Olimpiki mjini Barcelona, ambapo kocha wake Fuentes alimuokoa pia katika tukio hilo.

   

   Chanzo cha picha, Getty Images

   

   Chanzo cha picha, Getty Images

   

   Chanzo cha picha, Getty Images

2. 23 Juni 2022Kigogo Nigeria afikishwa mahakamani kwa kuuza viungo vya mtoto

   

   Chanzo cha picha, AFP

   Seneta mmoja wa Nigeria na mkewe wamebainika kama wanandoa waliofikishwa mahakamani kwa kula njama ya kumsafirisha mtoto hadi Uingereza ili kuuza viungo vykae. Msemaji wa Ike Ekweremadu alithibitisha kwa BBC Igbo kwamba seneta huyo alishtakiwa nchini Uingereza kuhusu kesi hiyo.

   Wakili huyo mwenye umri wa miaka 60 na mwanasiasa amekuwa Seneta tangu mwwaka 2003 na ni mwanachama wa chama cha upinzani cha People's Democratic Party (PDP).

   Alihudumu kwa mihula mitatu kama naibu rais wa Seneti wa Nigeria kutoka 2007 hadi 2019. Mkewe, Beatrice Nwanneka Ekweremadu, anatarajiwa kujitokeza naye baadaye katika Mahakama ya Uxbridge nchini Uingereza kujibu mashata hayo.

3. 23 Juni 2022Watoto wengi wahofiwa kufa kwenye tetemo la ardhi lililoua 1,000 huko Afghanistan

   

   Chanzo cha picha, EPA

   Madaktari nchini Afghanistan wameambia BBC kwamba huenda watoto wengi wamepoteza maisha katika tetemeko la ardhi la Jumatano.

   Zaidi ya watu 1,000 walikufa katika janga hilo, na mvua kubwa, rasilimali zisizo duni vinatatiza wafanyakazi wa uokoaji.

   Idadi kubwa ya watu isiyojulikana ilifukiwa kwenye vifusi vya nyumba zilizoharibiwa, ambazo mara nyingi hujengwa kwa udongo, zilikumbwa na tetemeko la ardhi lenye ukubwa wa kipimo cha 6.1.

   Mamlaka ya Taliban imetoa wito wa msaada zaidi wa kimataifa. Mitandao ya mawasiliano pia imeathirika vibaya.

   "Hatuwezi kufika eneo hilo - mitandao ni dhaifu sana," msemaji wa Taliban alinukuliwa na shirika la habari la Reuters akisema.

   Umoja wa Mataifa ni miongoni mwa wale wanaohangaika kutoa makazi ya dharura na msaada wa chakula kwa maeneo ya mbali katika jimbo lililoathirika zaidi la Paktika.

   Manusura na waokoaji wameiambia BBC kuhusu vijiji vilivyoharibiwa kabisa karibu na kitovu cha tetemeko hilo, barabara zilizoharibika na minara ya simu za mkononi - na hofu yao kwamba idadi ya vifo itaongezeka zaidi.

   Takriban watu 1,500 pia walijeruhiwa, maafisa wanasema.

4. 23 Juni 2022Nigeria yapiga marufuku digrii za Ukraine

   

   Chanzo cha picha, Getty Images

   Katika tangazo lililozua mshtuko, Baraza la Matibabu na Meno la Nigeria limesema halitatambua shahada kutoka vyuo vikuu vya Ukraine zilizopatikana tangu kuanza kwa vita vya nchi hiyo na Urusi.

   Mdhibiti wa huduma za kitaalamu za afya nchini Nigeria pia hatakubali programu za matibabu na meno zinazotolewa mtandaoni.

   Tangazo hili linafuatia kubadilishwa kutoka kozi za kuonana ana kwa ana hadi kozi za mtandaoni kwa wanafunzi wengi waliokuwa wakisoma nchini Ukraine ambao bado hawajakamilisha programu zao.

   Baadhi ya wanafunzi hao waliozungumza na BBC wanasema ni pigo kubwa kwa masomo na taaluma zao, haswa kwa wale ambao walikuwa wametumia zaidi ya miaka mitano kusoma na wamebakiza miezi michache tu kuhitimu.

   Wanaita sera hiyo kuwa ya kibaguzi, wakisema kwamba wanafunzi waliosoma kwa njia ya mtandao wakati wa janga la corona waliruhusiwa kuhitimu na kufanya mazoezi.

   Wanafunzi pia wameikosoa serikali kwa kushindwa kuweka vyuo vikuu vya Nigeria wazi huku kukiwa na migomo ya hivi karibunii ya wahadhiri na kuwalazimisha kusoma mahali pengine.

   Mamia ya wanafunzi wa Nigeria walihamishwa kutoka Ukraine kufuatia uvamizi wa Urusi.

   Baraza la Madaktari na Meno, ambalo hudhibiti madaktari, madaktari wa meno na waganga wa tiba mbadala nchini Nigeria hivi karibuni limekataa mafunzo ya mtandaoni kutoka nchi nyingine, likisema kuwa hayafikii viwango vinavyokubalika.

5. 23 Juni 2022CHOGM 2022: Rwanda, nchi za Jumuiya ya Madola zahimizwa kuheshimu uhuru

   

   Mkutano wa Jumuiya ya Madola nchini Rwanda umejadili uhuru wa kujieleza na vyombo vya habar, katika nchi hii ambayo ni suala tata.

   Hali nchini Rwanda iliibuliwa katika mjadala wakati mmoja aliposema kuwa mkutano huu unafanyika "hapa, ambapo baadhi ya waandishi wa habari na wanablogu wako jela sasa".

   Usta Kaitesi, mkuu wa bodi ya Rwanda inayosimamia vyombo vya habari aliambia mkutano huo kwamba nchi hiyo ilijiunga na Jumuiya ya Madola "kwa sababu tunaamini katika maadili yake, ikiwa ni pamoja na uhuru wa kujieleza ambao tunazungumzia leo".

   Rwanda inakosolewa kwa kuwafunga jela waandishi wa habari na WanaYouTube wanaoshughulikia mada za ‘mwiko’, baadhi yao wanasubiri kesi dhidi yao kuamuliwa na wengine walihukumiwa.

   

   WanaYouTube mashuhuri Yvonne Idamange, Aimable Karasira, Rashid Hakizimana, na waandishi wa habari Théoneste Nsengimana, Dieudonné Niyonsenga anayejulikana kama ‘Cyuma Hassan’ walifungwa mwaka jana kwa mashtaka tofauti.

   "Waandishi wa habari, kama wanawake, kama wanasiasa, wanaweza kufanya uhalifu. Itakuwa mbaya ikiwa wanahabari wangeshtakiwa kwa majukumu yao ya uandishi wa habari”, Bi Kaitesi alisema katika mkutano huo.

   Mkutano huo ulitoa wito kwa serikali za Jumuiya ya Madola kuheshimu uhuru wa kujieleza na vyombo vya habari huru kama maadili ya jumuiya 54 za nchi.

   "Ni rahisi kuzungumzia serikali, kwani ni rahisi kwa jumuiya ya madola kuzungumza, na nadhani serikali nyingi zinaamini katika uhuru wa vyombo vya habari, lakini wanachofanya ni tofauti na wanachosema," mwanajopo Dionne Jackson Miller mkongwe wa Jamaica. mwandishi wa habari aliambia BBC.

   Rwanda ni ya 136 katika faharasa ya hivi punde ya Uhuru wa Vyombo vya Habari Duniani, ya mwisho katika kanda yake na mojawapo ya ya mwisho katika nchi za jumuiya ya madola, lakini ripoti ya serikali ya 2021 inaweka zaidi ya 90% ya uhuru wa vyombo vya habari na kujieleza nchini Rwanda.

6. 23 Juni 2022Urusi inalenga 'kuiharibu kabisa' Donbas, Zelensky asema

   

   Chanzo cha picha, UKRAINIAN PRESIDENTIAL PRESS SERVICE

   Mshauri mkuu wa rais wa Ukraine amesema vita vya miji ya mashariki ya Severodonetsk na Lysychansk vimefikia "kilele cha kuogofya".

   Oleksiy Arestovych alisema vikosi vya Urusi hivi karibuni vinaweza kuizingira miji hiyo pacha na kuiondoa kutoka eneo la Ukraine.

   "Tishio la ushindi wa mbinu wa Urusi lipo, lakini bado hawajafanya hivyo," alisema.

   Inakuja huku Rais Volodymyr Zelensky akiishutumu Moscow kwa kujaribu "kuharibu" eneo la Donbas.

   "Kulikuwa na mashambulizi makubwa ya anga na mizinga huko Donbas. Lengo la mkaaji hapa halijabadilika, wanataka kuharibu Donbas nzima hatua kwa hatua," Bw Zelensky alisema katika hotuba yake ya kila usiku ya video.

   Pia alirudia wito wake kwa viongozi wa nchi za Magharibi kuharakisha uwasilishaji wa silaha nzito nzito kwa wanajeshi wake.

   "Tunasisitiza tena na tena kuharakisha uwasilishaji wa silaha kwa Ukraine. Kinachohitajika haraka ni usawa katika uwanja wa vita ili kusitisha silaha hii ya kishetani na kuisukuma nje ya mipaka ya Ukraine." alisema.

   Unayofaa kujua kuhusu mzozo wa Urusi na Ukraine:

   • Mzozo wa Ukraine: Kwanini Urusi inaivamia Ukraine na Putin anataka nini?
   • Mzozo wa Ukraine: Fahamu uhusiano wa kihistoria kati ya Ukraine na Urusi
   • Mzozo wa Ukraine: Hii ni mifano ya mbinu ya"bendera feki" vitani

7. 23 Juni 2022Naomi Osaka avunja kimya kuhusu jina la kampuni yake mpya kuzua gumzo mitandaoni

   

   Chanzo cha picha, Getty Images

   Nyota wa tenisi duniani Naomi Osaka hatimaye amevunja ukimya kufuatia mjadala uliokuwa ukiendelea kutokana na chaguo la jina la kampuni yake mpya ya vyombo vya Habari.

   Osaka kupitia mtandao wa Twitter ameandika ‘maombi kwa ajili ya wote wanaonifikiria kupita kiasi. Tunalipitia hilo’

   Ruka X ujumbe

   Ruhusu maudhui? (Mitandao ya kijamii)

   Mkala hii imebeba madhui yaliyotoka kwenye mitandao ya kijamii. Tunaomba ruhusa yako kabla kitu chochote hakija pakiwa, sababu wanaweza wakawa wanatumia Cookies na tekinolojia nyingine. Unaweza ukasoma sera sera ya kutumia cookies katika mitandao ya kijamii kabla ya kukubali. Kutazama maudhui haya chagua accept and continue

   Bonyeza kisha endelea

   Onyo: BBC haihusiki na maudhui ya nje

   Mwisho wa X ujumbe

   Siku ya jumanne Osaka alitangaza kuanza safari mpya katika ulimwengu wa masuala ya uzalishaji wa vipindi kwa kushirikiana na mchezaji mkubwa wa mpira wa kikapu duniani Lebron James aliyoipa jina la “Hana Kuma” ambalo lina maana tata kwa lugha Kiswahili.

   Ingawa ‘Hana Kuma’ ina maana ya “Ua la dubu” (Flower Bear) katika lugha yake ya Kijapani, ina maana tofauti kabisa na mataifa yanayozungumza Kiswahili ikiwemo Tanzania na Kenya, ambayo tangu alipotangaza limezua mjadala mkubwa kwa kile wanachokiona kwa tafsiri yake ya wazi.

8. 23 Juni 2022Mzozo wa Kaliningrad: Lithuania yaishutumu Urusi kwa kusema uwongo kuhusu zuio la kutumia reli

   

   Chanzo cha picha, LITHUANIAN GOVERNMENT

   Waziri Mkuu wa Lithuania, Ingrida Simonyte, amesema madai ya Urusi ya kuzuiwa kwa reli ya eneo lake la nje la Kaliningrad ni uwongo.

   Kaliningrad iko kwenye Bahari ya Baltic na hutumia kiunga cha reli kwenda Urusi kupitia Lithuania kwa abiria na mizigo.

   Wakati Lithuania ilipopiga marufuku usafirishaji wa chuma na bidhaa nyingine za feri chini ya vikwazo vya EU Jumamosi iliyopita, Urusi ilitishia kujibu.

   Ikulu ya Kremlin ililaani vikwazo hivyo kuwa haramu na visivyokubalika.

   Bi Simonyte alieleza kuwa abiria bado waliweza kusafiri kwa uhuru katika eneo la Lithuania kutoka Urusi hadi Kaliningrad na ni takriban 1% tu ya mizigo ya Urusi ndiyo iliyoathirika.

   Mwanadiplomasia mmoja mkuu huko Brussels alisema kuwa mazungumzo ya Urusi juu ya kizuizi ni habari potofu na sio kweli kabisa.

   "Lithuania inazingatia vikwazo vilivyowekwa na Umoja wa Ulaya kwa Urusi kwa uchokozi wake na vita dhidi ya Ukraine," waziri mkuu alisema.

   ‘Tutachukua hatua kali kujilinda’-Urusi sasa yaionya Lithuania

   Jinsi Urusi 'ilivyoishinda' Ukraine barani Afrika

   Aiden Aslin: Muingereza wa Ukraine aambiwa kuwa hukumu ya kunyongwa itatekelezwa

9. 23 Juni 2022Diego Maradona: Wahudumu wa afya kuhukumiwa kwa kifo cha nguli wa soka wa Argentina

   

   Chanzo cha picha, Getty Images

   Madaktari wanane watafikishwa mahakamani wakishtakiwa kwa makosa ya uzembe katika kifo cha mwanasoka maarufu wa Argentina Diego Maradona.

   Jaji mmoja ameamuru kusikizwa kwa kesi ya mauaji ya bila kukusudia baada ya jopo la madaktari kubaini matibabu ya Maradona yalijaa "mapungufu na kasoro".

   Maradona alikufa mnamo Novemba 2020 kwa mshtuko wa moyo huko Buenos Aires, mwenye umri wa miaka 60.

   Alikuwa akipata nafuu nyumbani kutokana na upasuaji wa kuganda kwa damu kwenye ubongo mapema mwezi huo.

   Siku chache baada ya kifo chake waendesha mashtaka wa Argentina walianzisha uchunguzi kuhusu madaktari na wauguzi waliohusika katika uangalizi wake.

   Mwaka jana, jopo la wataalam 20 walioteuliwa kuchunguza kifo chake liligundua timu ya matibabu ya Maradona ilifanya "njia isiyofaa, yenye upungufu na ya kutojali".

10. 23 Juni 2022Watu wenye silaha wamkata kichwa mwanasiasa mwingine Nigeria

    

    Chanzo cha picha, AFP

    Watu wenye silaha kusini mashariki mwa Nigeria wamemuua kwa kumkata kichwa mwanasiasa mwingine katika jimbo la Anambra.

    Msemaji wa polisi, Ikenga Torchukwu ameiambia BBC kuwa mwili wa Nelson Achukwu- mbunge wa zamani katika jimbo la Anambra ulipatikana Jumanne baada ya kutekwa nyara kutoka nyumbani kwake mapema mwezi huu.

    Haijabainika ni nani aliyetekeleza utekaji nyara na mauaji ya mwanasiasa huyo mlemavu.

    Ripoti zinaonyesha kuwa ilikuwa ni mara ya pili yeye kutekwa nyara katika miezi kadhaa na pesa ililipwa ili kuachiliwa wakati wa kutekwa nyara kwake mara ya kwanza.

    Achukwu alikuwa mwanasiasa wa hivi karibuni kulengwa katika eneo hilo.

    Mamlaka mara nyingi zimewalaumu watu wanaotaka kujitenga wanaodai jimbo lililojitenga la Biafra kwa ghasia zinazozidi kuwa mbaya kusini mashariki mwa Nigeria.

    Kukatwa vichwa na watu wenye silaha kunazidi kuwa kama mtindo wa sasa katika eneo hilo.

    Hivi karibuni mbunge wa eneo hilo na msaidizi wake pamoja na afisa wa kijeshi na mwenza wake wa kike pia walikatwa kichwa.

    Nigeria inakabiliana na ghasia zisizokwisha zinazofanywa na makundi mbalimbali yenye silaha kote nchini.

    Hali ya ukosefu wa usalama inazidi kuwa mbaya wakati nchi hiyo ya magharibi mwa Afrika ikijiandaa kwa uchaguzi wa rais na wabunge unaotarajiwa kufanyika Februari mwaka ujao.

    Soma:

    • Mzozo wa utekaji nyara Nigeria: Barua zilivyochukua nafasi ya simu
    • Fahamu kwanini Nigeria, Mali, Burkina faso ,Niger, Chad na Cameroon zinalemewa na makundi yaliyojihami
    • Fahamu kundi linaloihangaisha Nigeria licha ya kuwa na jeshi kubwa

11. 23 Juni 2022Viongozi wa Umoja wa Ulaya kuunga mkono Ukraine kujiunga na EU huku tishio la kukatizwa kwa gesi ya Urusi likitolewa

    

    Chanzo cha picha, Reuters

    Ukraine inatazamiwa kupitishwa kuwa mgombea wa Umoja wa Ulaya katika mkutano wa kilele wa Brussels siku ya Alhamisi, baada ya Tume ya Ulaya kukubaliana

    Ukraine ilituma maombi siku chache baada ya uvamizi wa Urusi mwezi Februari na mchakato huo tangu wakati huo umekwenda kwa kasi.

    Balozi wake katika Umoja wa Ulaya aliiambia BBC kuwa itakuwa msaada wa kisaikolojia kwa raia wa Ukraine.

    Lakini Vsevolod Chentsov alikiri "ushirikiano halisi" unaweza kuanza tu wakati vita vimekwisha.

    Nchi za Magharibi mwa Balkan za Albania, Macedonia Kaskazini, Montenegro na Serbia zimekuwa nchi wagombea kwa miaka mingi. Bosnia na Herzegovina zilituma maombi ya kugombea mwaka wa 2016 lakini bado haijafaulu mpaka sasa.

    Viongozi wa EU pia wanakutana na wenzao wa Balkan Magharibi Alhamisi asubuhi, kabla ya mkutano mkuu, "kujenga uhusiano wa karibu uliopo", lakini majadiliano yanatarajiwa kuwa magumu.

    Kwingineko Mkuu wa Wakala wa Kimataifa wa Nishati ameonya kuwa Urusi inaweza kuacha kusambaza gesi Ulaya msimu huu wa baridi.

    Fatih Birol anasema anaamini kusimamisha kabisa sio hali inayowezekana zaidi lakini Ulaya inahitaji kufanyia kazi mipango ya dharura ikiwa tu itatokea.

    Katika wiki za hivi karibuni, nchi kadhaa za Ulaya zilisema zilipokea gesi ya Urusi kidogo kuliko walivyotarajia.

    Maafisa wa Urusi wanakanusha kuwa ni makusudi na kutupia lawama masuala ya kiufundi.

    Kabla ya uvamizi wa Ukraine, Ulaya iliagiza karibu 40% ya gesi yake asilia kutoka Urusi lakini takwimu hiyo sasa imeshuka hadi karibu 20%.

    Kupunguzwa kwa 'mkakati'

    Birol anasema anaamini kwamba upunguzaji wa hivi karibuni wa Urusi katika usambazaji wa gesi ni "mkakati". Kupungua huko kunafanya iwe vigumu kwa nchi za Ulaya kujaza hifadhi yao ya gesi na kuongeza matumizi ya Urusi msimu huu wa baridi.

    ‘Tutachukua hatua kali kujilinda’-Urusi sasa yaionya Lithuania

    Jinsi Urusi 'ilivyoishinda' Ukraine barani Afrika

    Aiden Aslin: Muingereza wa Ukraine aambiwa kuwa hukumu ya kunyongwa itatekelezwa

12. 23 Juni 2022Tetemeko la ardhi Afghanistan:Taliban yaomba msaada wa kimataifa

    

    Chanzo cha picha, Getty Images

    Kundi la Taliban nchini Afghanistan limeomba msaada wa kimataifa, huku nchi hiyo ikikabiliana na athari za tetemeko la ardhi lenye ukubwa wa 6.1 katika kipimo cha Richter.

    Zaidi ya watu 1,000 wameuawa na takriban 1,500 wamejeruhiwa. Idadi isiojulikanaya watu imezikwa kwenye vifusi vya nyumba zilizoharibiwa, mara nyingi zilizojengwa kwa udongo.

    Mkoa wa Kusini-mashariki wa Paktika umeathirika zaidi na Umoja wa Mataifa unahangaika kutoa makazi ya dharura na msaada wa chakula.

    Juhudi za uokoaji zinatatizwa na mvua kubwa na ukosefu wa rasilimali.

    Manusura na waokoaji wameiambia BBC kuhusu vijiji vilivyoharibiwa kabisa karibu na kitovu cha tetemeko hilo, barabara zilizoharibika na minara ya simu za rununu - na hofu yao kwamba idadi ya vifo itaongezeka zaidi.

    Tetemeko hilo ni baya zaidi kuwahi kuikumba nchi hiyo katika miongo miwili ni changamoto kubwa kwa kundi la Taliban, vuguvugu la Kiislamu ambalo lilipata mamlaka tena mwaka jana baada ya serikali inayoungwa mkono na nchi za Magharibi kuanguka.

    Tetemeko hilo la ardhi lilipiga takriban kilomita 44 kutoka mji wa Khost na mitetemeko ilisikika katika maeneo ya mbali kama Pakistan na India.

    Afghanistan iko katikati ya mzozo wa kibinadamu na kiuchumi, na Abdul Qahar Balkhi, afisa mkuu wa Taliban, alisema serikali "haina uwezo wa kifedha kusaidia watu kwa kiwango kinachohitajika".

    Mashirika ya misaada, nchi jirani na mataifa yenye nguvu duniani yalikuwa yanasaidia, alisema, lakini akaongeza: "Msaada huo unahitaji kuongezwa kwa kiwango kikubwa sana kwa sababu hili ni tetemeko kubwa la ardhi ambalo halijapata kutokea kwa miongo kadhaa."

    Mkuu wa Umoja wa Mataifa, António Guterres alisema shirika hilo "limejipanga kikamilifu" kuhusu maafa hayo. Timu za afya, vifaa vya matibabu, chakula, na makazi ya dharura vilikuwa njiani kuelekea eneo la tetemeko hilo, maafisa wa Umoja wa Mataifa walisema.

13. 23 Juni 2022Hujambo na karibu kwa matangazo yetu ya moja kwa moja hii leo Alhamisi tarehe 23 Juni 2022