IDF yasema mateka 14 wa Israel na raia watatu wa kigeni wamekabidhiwa kwa shirika la Msalaba Mwekundu

Moja kwa moja

Yusuf Jumah

1. 26 Novemba 2023Netanyahu azuru Gaza na kutangaza 'hakuna kitakachotuzuia'

   Waziri mkuu wa Israel, Benjamin Netanyahu, amekuwa akizuru ukanda wa Gaza, ambapo alizungumza na wanajeshi na kutembelea moja ya mahandaki ambayo yamefichuliwa .

   Netanyahu alisema: "Tuko hapa Gaza na wapiganaji wetu mashujaa. Tunafanya kila juhudi kuwarudisha waliotekwa nyara, na hatimaye tutawarudisha wote.

   "Tuna malengo matatu kwa vita hivi: kuwaondoa Hamas, kuwarudisha watu wote waliotekwa nyara na kuhakikisha kwamba Gaza haiwi tishio kwa taifa la Israel tena."

   Aliendelea: "Niko hapa kuwaambia marafiki zangu hapa, kwa wapiganaji wa hapa, ambao wananiambia mambo yale yale, na ninarudia hii kwenu, wananchi wa Israeli: tunaendelea hadi mwisho - hadi ushindi.

   "Hakuna kitakachotuzuia, na tuna hakika kwamba tuna nguvu,nia na dhamira ya kufikia malengo yote ya vita, na tutaweza."

   Unaweza pia kusoma

   Hezbollah laonya kueneza vita baada ya wanachama wa kundi hilo kuuawa na Marekani

   Je, Israel "itatengwa" kimataifa kwa sababu ya vita vya Gaza? - Magazeti ya Israe

   Jinsi tai anavyosaidia Israel kupata raia wake waliouawa katika shambulio la Hamas

2. 26 Novemba 2023IDF inasema mateka 14 wa Israel na raia watatu wa kigeni wamekabidhiwa kwa shirika la Msalaba Mwekundu

   Jeshi la Israel linasema kuwa, kulingana na taarifa ambazo limepokea kutoka kwa Shirika la Msalaba Mwekundu, mateka 14 wa Israel na mateka watatu wa kigeni wameka Shirika la Msalaba Mwekundu.

   Hamas imethibitisha kuwa imewakabidhi mateka 13 wa Israel, raia watatu wa Thailand na raia mmoja wa Urusi kwa Shirika la Msalaba Mwekundu.

   Vyombo vya habari vya Israeli vinaripoti kwamba Mrusi huyo ana pia uraia Israel.

   Unaweza pia kusoma

   Hezbollah laonya kueneza vita baada ya wanachama wa kundi hilo kuuawa na Marekani

   Je, Israel "itatengwa" kimataifa kwa sababu ya vita vya Gaza? - Magazeti ya Israe

   Jinsi tai anavyosaidia Israel kupata raia wake waliouawa katika shambulio la Hamas

3. 26 Novemba 2023Takriban watu 100 watekwa nyara na 'majambazi' wanaotumia pikipiki kaskazini mwa Nigeria

   Takriban watu 100 wametekwa nyara na watu wenye silaha kaskazini magharibi mwa Nigeria, wakaazi wamesema.

   Wenyeji waliiambia BBC kwamba watu waliokuwa na silaha wakiwa kwenye pikipiki walivamia vijiji vya jimbo la Zamfara.

   Wakazi hao walitekwa nyara baada ya vijiji hivyo kushindwa kulipa "kodi" waliyotozwa na watu wenye silaha, mashahidi walisema.

   Katika miaka ya hivi karibuni, utekaji nyara kwa ajili ya fidia umeenea kaskazini-magharibi mwa Nigeria.

   Magenge yenye silaha, yanayojulikana kama majambazi katika eneo hili, yanalenga vijiji, shule na wasafiri,na kudai mamilioni ya naira kama fidia .

   Kulingana na shirika la habari la Reuters, mkuu wa kijiji alisema mkazi mmoja aliuawa katika shambulio la Ijumaa.

   BBC ilisikia kutoka kwa mkazi kutoka kijiji cha Mutunji, ambaye alisema alitekwa nyara na watu hao wenye silaha lakini akafanikiwa kutoroka.

   "Tunajaribu kukusanya pesa... lakini ghafla majambazi waliingia na kuwaibia watu. Walichukua zaidi ya watu 100 - wengi wao walikuwa wanawake na vijana," mkazi huyo alisema.

   Wenyeji waliiambia BBC kiongozi wa watu wenye silaha anaitwa "Damana".

   Walisema Damana anadhibiti sehemu kubwa ya eneo hilo kwa kukosekana kwa vikosi vya usalama vya serikali.

4. 26 Novemba 2023Watu wenye silaha waandamana katika mazishi ya Jenin kwa waliouawa katika uvamizi wa Israel

   

   Chanzo cha picha, Reuters

   Kama tulivyoripoti uvamizi wa Israeli katika mji unaokaliwa wa Ukingo wa Magharibi wa Jenin usiku kucha ulisababisha vifo vya watu watano.

   Sasa tunaona picha za watu wakiandamana barabarani, baadhi yao wakiwa na silaha, kwa ajili ya mazishi ya watatu kati ya wanaume hao.

   Jeshi la Israel lilisema kuwa lilikuwa likifanya msako kumzuilia Mpalestina anayeshukiwa kuhusika katika shambulio la kuvizia lililowaua Waisraeli wawili mwezi Agosti.

   Ukingo wa Magharibi umeshuhudia kuongezeka kwa ghasia tangu shambulio la Hamas dhidi ya Israel tarehe 7 Oktoba.Wizara ya afya ya Palestina inasema kuwa zaidi ya Wapalestina 230, raia na wapiganaji wameuawa na wanajeshi na walowezi wa Israel.

   Unaweza pia kusoma

   Hezbollah laonya kueneza vita baada ya wanachama wa kundi hilo kuuawa na Marekani

   Je, Israel "itatengwa" kimataifa kwa sababu ya vita vya Gaza? - Magazeti ya Israe

   Jinsi tai anavyosaidia Israel kupata raia wake waliouawa katika shambulio la Hamas

5. 26 Novemba 2023Habari za hivi punde, Terry Venables afariki dunia: Kocha wa zamani wa England afariki dunia akiwa na umri wa miaka 80

   

   Chanzo cha picha, PA MEDIA

   Aliyekuwa meneja wa timu ya taifa ya Uingereza Terry Venables amefariki dunia akiwa na umri wa miaka 80 baada ya kuugua kwa muda mrefu.

   Venables aliiongoza Uingereza kutoka 1994 hadi 1996, hasa akiwaongoza hadi nusu fainali ya Euro 96 kwenye ardhi ya nyumbani.

   Pia aliwahi kuinoa Barcelona, ​​Tottenham na Australia.

   "Tumehuzunishwa kabisa na msiba wa mume na baba mzuri ambaye aliaga dunia kwa amani jana baada ya kuugua kwa muda mrefu," ilisema taarifa ya familia.

   "Tungeomba faragha itolewe wakati huu wa huzuni ili kuturuhusu kuomboleza kifo cha mtu huyu mzuri ambaye tulikuwa na bahati sana kuwa naye maishani mwetu."

   Chama cha Wasimamizi wa Ligi kilisema: "LMA ina huzuni kubwa kusikia kifo cha mwanachama wa LMA na rais wa zamani wa LMA Terry Venables.

   "Mawazo yetu yapo sana kwa Yvette na familia yote ya Terry kwa wakati huu."

   Kama mchezaji, Venables alishinda mechi mbili za England na kucheza zaidi ya mechi 500 kati ya 1960 na 1975, haswa kwa Chelsea, QPR na Tottenham.

6. 26 Novemba 2023Clemence Mtenga:Mwili wa Mtanzania aliyekuwa ametekwa na Hamas kuwasili nyumbani Jumatatu

   Maelezo kuhusu taarifa

   • • 
     • Author, Alfred Lasteck
     • Nafasi, BBC News, Dar es Salaam

   

   Chanzo cha picha, MASHAV ISRAEL

   Mwili wa Clemence Mtenga, Mtanzania aliyekuwa akiishi nchini Israel uliokuwa unatarajiwa kufika nchini Ijumaa usiku, sasa unatarajiwa kuwasili Jumatatu.

   Msemaji wa familia, Boniface Mtenga ameiambia BBC kuwa walitarajia kupokea mwili wa marehemu Jumamosi usiku lakini baadaye walifahamishwa na mamlaka kuwa mwili huo utachelewa baada ya kukwama.

   Aidha Mtenga alisema kuwa kwa sasa wanaendelea na maandalizi ya maziko ambayo wamepangwa kufanyika siku ya Jumanne katika makazi ya familia yaliyopo mkoani Kilimanjaro, Kaskazini mwa Tanzania.BBC ilizitafuta mamlaka za Tanzania bila mafanikio.Awali mpango uliokuwa ukiratibiwa na Serikali ya Tanzanja, ulionesha kuwa mwili ungewasili jijini Dar es Salaam Ijumaa usiku kisha kusafirishwa na kukabidhiwa kwa familia jana Jumamosi saa 2 usiku katika Uwanja wa ndege wa Kimataifa wa Kilimanjaro (KIA).Mwili wa Clemence uliagwa Oktoba 22 nchini Israel.Juma moja lililopita, Mamlaka za Tanzania zilieleza kuwa Clemence alipoteza maisha wakati wa mapigano kati ya majeshi ya Israel na kikundi cha Kipalestina cha Hamas.

   Unaweza pia kusoma

   Clemence Mtenga: Mwanafunzi Mtanzania aliyefariki Israel alikuwa 'kiongozi' kwa wanafunzi wenzake

   Clemence Mtenga:Familia ya Mtanzania aliyefariki Gaza yazungumza

7. 26 Novemba 2023Ndugu walioachiliwa hawakujua mama yao ameuawa, asema mjomba

   

   Chanzo cha picha, Hostages and Missing Families Forum

   Mjomba wa ndugu wawili wa Israel waliokuwa wametekwa nyara lakini walioachiliwa jana amekuwa akizungumzia afueni yake wakati wa kuachiliwa kwao.

   Mpwa wa Ahal Besorai Noam Or, 17, na dada yake Alma, 13, walikuwa wamechukuliwa kutoka nyumbani kwao Kibbutz Be'eri tarehe 7 Oktoba.

   Besorai aliiambia BBC kuhusu ubadilishanaji wa "kuogofya" na jinsi alizungumza nao kupitia simu ya video hospitalini.

   "Wana hadithi ngumu kusimulia jinsi walivyotekwa na kutendewa.Hawakujua kuwa mama yao, dada yangu, aliuawa," Berosai alisema.

   "Ilitubidi kuwaletea habari hizo za kusikitisha. Hayo yalikuwa mazungumzo ya kiwewe na hawakuwa na baba yao. Walikuwa wamefungwa peke yao."

   Kaka na dada mdogo kati ya mateka wa Israeli waliochiliwa

   

   Chanzo cha picha, Family Handout

   Nave na Yahal walitekwa nyara pamoja na wazazi wao na wanafamilia wengine kadhaa kutoka Kibbutz Be'eri, tarehe 7 Oktoba.

   Jana walikuwa sehemu ya kundi la mateka walioachiliwa huru na Hamas katika mabadilishano ya pili ya wafungwa wa Kipalestina.

   Watoto hao waliweza kuachiliwa huru na mama yao Adi Shoham, 38, na nyanya Dk Shoshan Haran, 67.

   Mume wa Dk Haran, Avshalom, mwanauchumi mwenye uraia wa Ujerumani na Israel, aliuawa katika shambulio la Hamas, huku mume wa Adi, Tal, 38, akisalia mateka wa Hamas

   Unaweza pia kusoma

   Hezbollah laonya kueneza vita baada ya wanachama wa kundi hilo kuuawa na Marekani

   e, Israel "itatengwa" kimataifa kwa sababu ya vita vya Gaza? - Magazeti ya Israe

   Jinsi tai anavyosaidia Israel kupata raia wake waliouawa katika shambulio la Hamas

8. 26 Novemba 2023Sierra Leone chini ya amri ya kutotoka nje baada ya wafungwa kutoroshwa

   

   Chanzo cha picha, AFP

   Wafungwa wametoroshwa kutoka gereza moja nchini Sierra Leone huku kufuatia milio ya risasi katika mji mkuu Freetown asubuhi ya leo. Amri ya kutotoka nje nchini kote imetangazwa baada ya watu wenye silaha kujaribu kuingia kwenye hifadhi ya silaha ya kambo moja ya kijeshi iliyo karibu na makao makuu ya rais.

   Afisa mmoja ambaye hakutaka jina lake litajwe, alithibitisha ripoti za walioshuhudia kwamba watu hao wenye silaha walivamia gereza la Central Pademba Road mjini Freetown na kuwaachilia baadhi ya wafungwa.

   Haijabainika ni wafungwa wangapi walifanikiwa kutoroka. Habari hizo zinakuja baada ya mamlaka kutaka kuwatuliza raia, na kusema kuwa hali imedhibitiwa. Katika taarifa iliyoripotiwa kuandikwa kutoka nyumbani kwake asubuhi ya leo, Rais Julius Maada Bio alisema kuwa utulivu umerejeshwa na msako umeanzishwa ili kuwakamata wahusika wengine. Lakini mwandishi wa BBC mjini Freetown anasema hali bado inaonekana kuwa tete.

   Aliwapita askari waliokuwa wamebeba silaha nzito katika gari la polisi lililokamatwa, na kuona wengine wakiimba kwamba wanapanga "kusafisha Sierra Leone". Marekani na Jumuiya ya kikanda ya ECOWAS wamelaani ghasia hizo.

   Mwezi Juni rais Julius Maada Bio alichaguliwa tena baada ya kuepuka duru ya pili ya uchaguzi. Mwezi Agosti, watu kadhaa, wakiwemo askari wa vyeo vya juu walikamatwa na kutuhumiwa kupanga mapinduzi dhidi ya rais. Katika kipindi cha miaka mitatu iliyopita nchi kadhaa za Afrika Magharibi na kati zimefanya mapinduzi, ikiwa ni pamoja na nchi jirani ya Guinea ambayo kwa sasa iko chini ya utawala wa kijeshi.

   Unaweza pia kusoma

   Mapinduzi Niger: Je ni nchi gani zimekuwa na mapinduzi mengi zaidi Afrika?

   LJe, Ufaransa ndio wa kulaumiwa kwa mapinduzi ya kijeshi Afrika Magharibi?

9. 26 Novemba 2023Watu saba wauawa katika Ukingo wa Magharibi huku wanajeshi wa Israel wakifanya uvamizi

   

   Chanzo cha picha, Reuters

   Maafisa wa Palestina wanasema watu saba wameuawa katika Ukingo wa Magharibi unaokaliwa usiku kucha.

   Mashirika ya habari yanaripoti kuwa watu watano kati ya hao waliuawa katika eneo la Jenin, ambalo jeshi la Israel linasema lilivamia kumzuilia mtu anayesakwa kwa madai ya kuhusika katika shambulizi la kuvizia mwezi Agosti.

   Wafa, shirika rasmi la habari la Palestina, lilisema jiji hilo lilivamiwa na vikosi "kutoka pande kadhaa vikifyatua risasi. Walizingira hospitali ya serikali, makao makuu ya Jumuiya ya Hilali Nyekundu".

   Pia inaripotiwa na Wafa kwamba tingatinga zilisababisha uharibifu katika mitaa kadhaa huko Jenin.

   Unaweza pia kusoma

   Hezbollah laonya kueneza vita baada ya wanachama wa kundi hilo kuuawa na Marekani

   e, Israel "itatengwa" kimataifa kwa sababu ya vita vya Gaza? - Magazeti ya Israe

   Jinsi tai anavyosaidia Israel kupata raia wake waliouawa katika shambulio la Hamas

10. 26 Novemba 2023Hujambo na karibu

    

    Chanzo cha picha, Getty Images

    Iwapo unajiunga nasi ,huu hapa muhtasari wa matukio ya hivi punde katika mzozo wa Israel na Hamas

    • Jeshi la Israel limesema Waisrael 13, wakiwemo wanawake sita na watoto saba, walioshikiliwa mateka huko Gaza ambao awali walikabidhiwa kwa Shirika la Msalaba Mwekundu Jumamosi jioni sasa wako nchini Israel.
    • Kuachiliwa kwao kulicheleweshwa kwa saa kadhaa baada ya Hamas kuishutumu Israel kwa kukiuka sehemu yake ya makubaliano ya kusitisha mapigano ya siku nne - tuhuma ambazo Israel ilikanusha.
    • Mateka hao wa zamani wanasindikizwa na kikosi maalum na watafanyiwa uchunguzi wa awali wa kimatibabu na kisha kurejeshwa kwa familia zao.
    • Raia wanne wa Thailand pia wameachiliwa
    • Jumamosi ilikuwa siku ya pili mateka kuachiliwa chini ya mkataba huoa mbao umesimamiwa na Qatar
    • Mamlaka ya Israel inasema mateka 195 bado wanazuiliwa huko Gaza
    • Kama sehemu ya makubaliano ya kutekwa nyara, Israel ilithibitisha kuwa imewaachilia wafungwa wengine 39 wa Kipalestina
    • Mamlaka inasema waliachiliwa kutoka jela tatu tofauti za Israel, na kuongeza kuwa wote walikuwa wanawake au watoto wa umri wa miaka 18 au chini .
    • Watu hao 39 wanarejeshwa makwao katika eneo la Jerusalem Mashariki au Ukingo wa Magharibi unaokaliwa