Mateka zaidi kuachiliwa huru huku makubaliano ya Gaza yakiongezwa kwa saa 48

Moja kwa moja

Yusuf Jumah and Ambia Hirsi

1. 28 Novemba 2023'Jaribio la kuvunja rekodi ya Dunia ya Guinness lageuza mikono ya mwanamke kuwa meupe'

   

   Chanzo cha picha, Subair Enitan

   Mwanafunzi wa Nigeria ambaye alikuwa amedhamiria kuweka rekodi mpya ya kuosha nguo kwa kutumia miko yake amerekodiwa akiwa na sura tofauti sana baadaye.

   Katika video inayosambaa mtandaoni, Subair Enitan anaonekana akipumzika kwenye kitanda kufuatia kile anachosema kuwa ni mud awa saa 58 kwenye beseni la kuosha nguo siku ya Jumatatu, akiwaonyesha marafiki mikono yake iliyokunjana na myeupe.

   Kundi la rekodi za dunia la Guinness bado halijatoa maoni yoyote kuhusu ombi la Bi Enitan, lakini aliambia vyombo vya habari siku ya Jumatatu:

   Ujumbe wa Nukuu: Nimeridhishwa sana kukamilisha kazi hiyo mbele ya mama yangu, marafiki na wafanyakazi wenzangu ambao walijaa kwenye ukumbi huu kuonyesha upendo na kuunga mkono azma yangu."

   Nimeridhika sana kuwa nimemaliza kazi hiyo mbele ya mama yangu, marafiki na wafanyakazi wenzangu waliojaa kwenye ukumbi huu kuonyesha upendo na kuunga mkono azma yangu."

   Harakati za kuvunja rekodi ya dunia ya Guiness imeikumba Nigeria katika miezi ya hivi karibuni.

   Mpishi mashuhuri Hilda Baci alianzisha mtindo huo alipopika mfululizo kwa zaidi ya saa 93, lakini miezi mitano baadaye alishindwa na mpishi wa Ireland Alan Fisher ambaye alisimamia zaidi ya saa 119.

   Hivi majuzi, mwanamke wa Nigeria anayeitwa Helen Williams aliweka rekodi mpya ya kutengeneza wigi refu zaidi lililotengenezwa kwa mikono - lenye urefu wa 351.28m (1,152ft 5in).

2. 28 Novemba 2023Habari za hivi punde, Machafuko Sierra Leone yalikuwa ya jaribio la mapinduzi - serikali

   Serikali ya Sierra Leone imetaja machafuko ya Jumapili kama jaribio la mapinduzi lililoshindwa.

   Ni mara ya kwanza kwa mamlaka kukiri kwamba shambulio lililoratibiwa dhidi ya kambi na magereza katika mji mkuu lilikuwa jaribio la kuiteka kijeshi.

   Waziri wa Habari wa Sierra Leone Chernor Bah alitaja ghasia za Jumapili kuwa jaribio la kupindua serikali iliyochaguliwa ya Sierra Leone kinyume cha sheria.

   Maafisa kumi na watatu wa kijeshi na raia mmoja wamekamatwa.

   Siku ya Jumanne asubuhi, risasi zilifyatuliwa katika mtaa wa Murray Town wa Freetown.

   Polisi wanasema milio ya risasi ilikuwa ni sehemu ya operesheni ya kuwakamata baadhi ya wahusika wa shambulio la Jumapili. Waliongeza kuwa mtu mmoja amezuiliwa na kwamba hakuna mtu aliyejeruhiwa.

3. 28 Novemba 2023Israel inasema makubaliano ya sasa 'yanaweza kuongezwa kwa siku tano'

   

   Chanzo cha picha, AFP

   Hapo awali tulisikia kutoka kwa msemaji wa serikali ya Israeli Eylon Levy, ambaye aliulizwa kuhusu hatua zinazofuata za Israeli katika usuluhishi wa mzozo mkubwa zaidi.

   Aliambia mkutano wa vyombo vya habari kwamba "sitisho la sasa la kuachiliwa mateka linaweza kuongezwa kwa siku nyingine tano kwa msingi wa tatu kwa kubadilishana moja" kati ya wafungwa wa Kipalestina nchini Israel na mateka wa Israel wanaoshikiliwa huko Gaza.

   "Tumeruhusu wafungwa wengine 50 wa Kipalestina kuachiliwa kama Hamas wanataka kuendelea kuwaachilia mateka, kama tunavyotaka kuona," alisema.

   "Kisha, mara baada ya Hamas kuacha kuwarudisha mateka," Levy aliongeza, "tutarejelea shinikizo la kijeshi dhidi ya Hamas hadi iwaachilie zaidi."

4. 28 Novemba 2023Qatar inasema inalenga kuongeza muda wa kusitisha mapigano

   

   Chanzo cha picha, afp

   Qatar inalenga kurefusha zaidi makubaliano ya muda ya Hamas ya kusitisha mapigano na Israel, kwa kuzingatia uwezo wa kundi hilo la wapiganaji kuendelea kuwaachilia mateka 10 kwa siku, afisa mmoja amesema.

   Usitishaji vita wa muda - ambao Qatar inapatanisha kupitia mazungumzo na Israel na Hamas - uliongezwa kwa saa 48 jana mchana, na sasa ni siku yake ya tano.

   Katika mkutano na waandishi wa habari Jumanne, msemaji wa wizara ya mambo ya nje ya Qatar Majed al-Ansari pia alisema Qatar "haiwezi kuhalalisha" idadi ya mateka waliosalia zaidi ya 20 waliowekwa kutolewa na Hamas Jumanne na Jumatano.

   Hamas imesema hapo awali baadhi ya mateka wanashikiliwa na makundi madogo na wanahitaji kuwapata.

   Al-Ansari pia alisema kumekuwa na "ukiukaji mdogo" wa makubaliano ya kusitisha mapigano, lakini hayajatishia makubaliano ya jumla.

5. 28 Novemba 2023Habari za hivi punde, Hamas yailaumu Israel kwa mapigano kaskazini mwa Gaza

   Hamas imejibu madai ya Israel ya mapigano kaskazini mwa Gaza, ikisema kumekuwa na "msuguano" katika eneo hilo.

   Ilikuwa ni matokeo ya "ukiukaji wa wazi wa adui wa makubaliano ya kusitisha mapigano," walisema.

   Abu Obeida, msemaji wa Brigedi za al-Qassam, mrengo wa kijeshi wa Hamas, alisema kundi hilo limejitolea kwa usitishaji huo, na kuwataka wapatanishi kuweka shinikizo kwa Israel "kufuata masharti yote ya usitishaji vita ardhini na angani." .

6. 28 Novemba 2023Habari za hivi punde, Wanajeshi wa Israel wadai kujeruhiwa Gaza

   Jeshi la Israel linasema kwamba wanajeshi wake 'wamejeruhiwa kidogo' baada ya kufyatuliana risasi huko Gaza

   Jeshi la Israel linasema katika saa iliyopita vilipuzi vitatu vililipuliwa karibu na wanajeshi wake katika maeneo mawili kaskazini mwa Ukanda wa Gaza, jambo ambalo linasema linakiuka "mfumo wa kusitisha operesheni".

   Linasema kwamba katika moja ya maeneo askari wa Israeli walipigwa risasi, kabla na wao kujibu kwa risasi.

   "Baadhi ya askari walijeruhiwa kidogo wakati wa tukio hilo," walisema.

7. 28 Novemba 2023Tazama Video:Polisi wamfukuza mvulana wa miaka 12 aliyekuwa akiendesha Forklift iliobwa kwa saa moja

   Mvulana mwenye umri wa miaka 12 aliwalazimu maafisa wa polisi wa eneo la Ann Arbor, huko Michigan, nchini Marekani kumfukuza kwa muda wa saa moja mvulana huyo aliytekuwa ameiba forklift

   Wakati wa msako huo, gari hilo liligongana na takriban magari 10 yaliyokuwa yameegeshwa, polisi walisema katika taarifa.

   Kikosi hicho kiliongeza kuwa uchunguzi wake wa awali unaonyesha gari hilo lilikuwa limefunguliwa huku ufunguo ukiwa umefichwa ndani wakati lilipochukuliwa.

   Mvulana huyo aliwekwa chini ya ulinzi, na uchunguzi wa uhalifu unaendelea.

8. 28 Novemba 2023Cristiano Ronaldo apinga uamuzi wa refa wa kumpatia penalti

   

   Chanzo cha picha, Getty Images

   Cristiano Ronaldo anajulikana kwa ufungaji wake wa mabao lakini Jumatatu usiku fowadi huyo wa Al-Nassr alimshawishi mwamuzi asimpe penalti.

   Mchezaji huyo mwenye umri wa miaka 38 alianguka dakika ya pili baada ya kuchezewa visivyo huku timu yake ikitoka sare ya 0-0 na timu ya Persepolis ya Iran kwenye Ligi ya Mabingwa Ulaya.

   Lakini mwamuzi wa Uchina Ma Ning alipotoa penalti, Ronaldo alipinga hatua hiyo ili uamuzi huo ubatilishwe.

   Ning alilazimika kwenda kutazama VAR na mwishowe akabadilisha msimamo wake

   Mchanganyiko wa mwamuzi msaidizi wa video VAR na uaminifu wa Ronaldo uliiokoa Persepolis.

   Mechi hiyo iliendelea hadi mwisho bila bao, huku mchezaji wa Al Nassr, Ali Lajami akitolewa kwa kadi nyekundu dakika ya 17.

   Al-Nassr tayari ilikuwa imefuzu kwa hatua ya mtoano kabla ya mechi hiyo mjini Riyadh. Timu hiyo ya Saudi Pro League ndiyo inayoongoza Kundi E ikiwa na pointi 13 baada ya mechi tano na pointi tano mbele ya Persepolis katika nafasi ya pili.

9. 28 Novemba 2023Habari za hivi punde, Moshi unaonekana ukifuka juu ya anga ya Gaza

   Moshi umeonekana ukipanda juu ya Jiji la Gaza asubuhi ya leo.

   Ripoti zinaonyesha kuwa baadhi ya makundi ya Wapalestina huenda yaliwafyatulia risasi wanajeshi wa Israel - bila kujua kuwa mapatano hayo yameongezwa.

   Kuongezwa kwa muda wa saa 48 kwa mapatano ya awali kulikubaliwa jana.

   Wafungwa watatu wa Kipalestina wanaachiliwa huru kwa kila mateka mmoja wa Israel anayeachiliwa.

10. 28 Novemba 2023Hamas inasema makundi mengine yenye silaha pia yanamiliki mateka wa Israel

    Maelezo kuhusu taarifa

    • • Author, Rushdi Abu Alouf
      • Nafasi, Reporting from Istanbul

    

    Chanzo cha picha, Reuters

    Hamas waliniambia kwamba walitaka kuongezwa kwa siku nne kwa makubaliano hayo, lakini Waisraeli walikuwa wakisisitiza kwamba yaongezwe siku baada ya siku.

    Tunaelewa kutoka kwa chanzo kikuu cha Hamas nchini Qatar kwamba sio mateka wote wako mikononi mwa Hamas.

    Baadhi yao wako na vikundi vidogo kama Palestinian Islamic Jihad. Kufikia sasa, wamefanikiwa kupata watu 20. Kumi watatolewa leo na 10 kesho.

    Iwapo wataweza kupata mateka zaidi, tunaweza kuona usitishaji mapigano ukiongezwa kwa siku mbili zaidi.

    Hamas inasema inahitaji muda zaidi kufanya kazi mashinani kukusanya taarifa na kuwasiliana na watu.

    Lakini mawasiliano ni magumu sana kwa sababu ya uharibifu wa miundombinu ya mawasiliano ya simu huko Gaza.

    Pia wanahitaji mafuta.

11. 28 Novemba 2023Mahakama ya Kenya yaamua 1.5% ya tozo ya nyumba kuwa kinyume na katiba

    

    Chanzo cha picha, Getty Images

    Mahakama nchini Kenya imeamua kuwa asilimia 1.5 ya ushuru ya nyumba iliyowekwa na serikali kama sehemu ya sheria ya fedha mwezi Julai kuwa kinyume cha katiba.

    Jopo la majaji watatu liliamua kwamba ushuru huo haukuwa na mfumo kamili wa kisheria na haukuwa na mantiki

    Kuanzishwa kwa ushuru wa nyumba, miongoni mwa kodi zingine, kulichochea maandamano watu wakilalamikia gharama kubwa ya maisha.

    Serikali imeiomba mahakama kusitisha hukumu hiyo kwa siku 45 kupata muda wa kuamua hatua inayofuata.

    Maelezo zaidi:

    Pandashuka za kiuchumi katika kipindi cha mwaka mmoja wa uongozi wa Rais William Ruto

12. 28 Novemba 2023Niger yabatilisha sheria iliyokusudiwa kukomesha wimbi la wahamiaji barani Ulaya

    

    Chanzo cha picha, Reuters

    Utawala wa kijeshi Niger umebatilisha sheria ya kudhibiti uhamiaji nchini humo ambayo iliharamisha kusafirishwa kwa wahamiaji kupitia nchi hiyo.

    Utawala huo ilitangaza kufuta sheria hiyo katika taarifa yake, ukibainisha kuwa kiongozi wa kijeshi, Jenerali Abdourahamane Tchiani alitia saini amri ya kuibatilisha.

    Sheria hiyo iliyopitishwa mwaka 2015 ikiungwa mkono na Umoja wa Ulaya ili kudhibiti wimbi la wahamiaji kutoka nchi za magharibi mwa Afrika wanaoelekea Ulaya.

    Ilipingwa sana na wakazi wa jangwa ambao uchumi wao ulitegemea wahamiaji.

    Kuna hofu kuwa kubatilishwa kwa sheria hiyo kutarejesha wimbi la wahamiaji wanaopitia Niger kuelea Libya au Algeria kwa lengo la kufika Ulaya.

    Wachambuzi wanasema hatua hiyo inaashiria kuwa serikali ya kijeshi inadai mamlaka yake kinyume na shinikizo la kimataifa.

    Inasemekana kwamba Niger ilipokea takriban dola bilioni 1.9bn katika usaidizi unaohusiana na uhamiaji kati ya 2015 na 2022.

    Bado haijabainika wazi jinsi EU itajibu kile ambacho sasa kinaonekana kuwa pigo kubwa kwa mkakati wake wa kudhibiti mmiminiko wa wahamiaji kutoka Afrika.

    Pia unaweza kusoma:

    Ni njia zipi hatari zaidi za wahamiaji duniani?

    Africa Eye: Uhamiaji 'Hakuna kurudi nyuma'

    Uhamiaji: Kwanini Uingereza inawapeleka waomba hifadhi Rwanda?

13. 28 Novemba 2023Uganda kukopa $150m kutoka China kuboresha miundombinu ya intaneti

    

    Chanzo cha picha, AFP

    Wizara ya fedha ya Uganda imetangaza mpango wa kukopa dola milioni 150m kutoka kwa benki ya Exim ya China ili kuendeleza miundombinu ya intaneti nchini humo.

    Waziri wa Habari ,Mawasiliano na Teknolojia wa Uganda na naibu waziri wa fedha aliwasilisha pendekezo hilo siku ya Jumatatu kwa kamati ya bunge inayoshughulikia masuala ya uchumi wa taifa.

    Hatua hiyo inaangazia jinsi Uganda inavyozidi kutegemea ufadhili wa China baada ya Benki ya Dunia, mojawapo ya wafadhili wake wakuu, kusitisha ufadhili wake mwezi Agosti kutokana na hatua ya nchi hiyo kupitisha sheria tata ya kupinga mapenzi ya jinsia moja.

    Uganda hapo awali ilichukua mkopo wenye utata wa dola milioni 200 kutoka kwa benki ya China ili kupanua Uwanja wa Ndege wa Kimataifa wa Entebbe.

    Mkopo huo umekosolewa na baadhi ya watu kuwa unaweka masharti ya kinyonyaji kwa Uganda.

    Uganda pia iko katika mazungumzo na wakala wa mikopo wa nje wa China Sinosure kwa mkopo wa kusaidia kufadhili bomba la $5bn ambalo Uganda inapanga kutumia kusafirisha mafuta ghafi nchini Tanzania.

14. 28 Novemba 2023Msako wa kuwakamata wafungwa waliotoroka Sierra Leone unaendelea

    

    Chanzo cha picha, EPA

    Polisi nchini Sierra Leone wanasema wanaendelea na msako wa kuwatafuta watu wanaohusika na kile ambacho serikali imekitaja kuwa ni shambulizi lililopangwa na kuratibiwa katika mji mkuu huo.

    Watu wenye silaha walivamia ghala la kuhifadhia silaha na magereza kadhaa mjini Freetown siku ya Jumapili, na kuwezesha karibu wafungwa 2,000 kutoroka.

    Maeneo na vifaa muhimu nje ya mji mkuu pia vililishambuliwa.

    Mamlaka inatoa zawadi ya $2,000 (£1,580) kwa yeyote aliye na taarifa kuhusu mhalifu ambaye bado yuko huru, pamoja na $1,000 kwa wafungwa waliotoroka.

    Amri ya kutotoka nje usiku ingalipo kote nchini Sierra Leone.

    Watu 20 walikufa katika mashambulizi hayo, 13 kati yao wakiwa wanajeshi watiifu kwa serikali.

    Unaweza pia kusoma

    Ni nini huenda kilizua maasi nchini Sierra Leone

15. 28 Novemba 2023Kenya:Mahakama yasitisha utekelezaji wa mpango mpya wa bima ya afya

    

    Chanzo cha picha, Getty Images

    Mahakama moja nchini Kenya imesitisha utekelezaji wa Sheria ya Bima ya Afya ya Jamii ya mwaka 2023 hadi Februari 7, 2024.

    Jaji Chacha Mwita alitoa agizo hilo katika kesi iliyowasilishwa na mwanaharakati Joseph Aura na Muungano wa Madaktari wa Kenya (KMPDU) na Chama cha Madaktari cha Kenya (KMA) walioorodheshwa kama wahusika.

    "...Agizo linatolewa kuwazuia(Rais William Ruto, Mawaziri katika Wizara ya Afya , Mwanasheria Mkuu wa Serikali, Mamlaka ya ukusanyaji Mapato, Bunge la Kitaifa na Seneti), maajenti wao na au mtu yeyote juu ya maagizo yao ya kutekeleza Sheria ya Bima ya Afya ya Jamii, 2023; Sheria ya Afya ya Msingi, 2023 na Sheria ya Afya ya Kidijitali, 2023 hadi Februari 7, 2024," aliagiza Mwita.

    Zaidi ya hayo, mahakama iliwapa walalamishi siku saba kuwasilisha majibu yao.

    Wiki iliyopita, matabibu walikosoa Sheria ya Afya ya Kijamii wakisema ni ukiukaji wa Makubaliano ya Pamoja ya mwaka 2017 (CBA) kuhusu utoaji wa bima ya kina ya matibabu na mwajiri.

    Katibu Mkuu wa Muungano wa Madaktari Wafamasia na Madaktari wa Meno nchini Kenya Davji Bhimji alidokeza kuwa Sheria hiyo ilikuwa ya kibaguzi kwa Watumishi wa Umma na Wakenya kwa ujumla.

16. 28 Novemba 2023Amani na Hamas 'haiwezekani' - balozi wa zamani wa Israel

    

    Chanzo cha picha, Getty Images

    Amani na Hamas "haviendi pamoja", anasema Mark Regev, balozi wa zamani wa Israel nchini Uingereza.

    "Haiwezekani kuwa na amani na Hamas na wamesema hivyo hadharani," Regev alikiambia kipindi cha Newshour cha BBC Jumatatu jioni.

    Huenda alikuwa anarejelea maoni mapema mwezi huu kutoka kwa Taher El-Nounou, mshauri wa vyombo vya habari wa Hamas - aliiambia New York Times kwamba kundi hilo linatumai vita na Israel "vitakuwa vya kudumu katika mipaka yote".

    "Na ndiyo maana raia wa Israel wameungana kwa asilimia 100 kusema tunakataa kuishi tena karibu na eneo hili la ugaidi kwenye mpaka wetu wa kusini. Na inabidi tuzungumze kuhusu mustakabali bila Hamas," Regev alisema.

    Alipoulizwa iwapo Israel itaunga mkono ujenzi mpya katika Ukanda wa Gaza, ambao umeharibiwa kwa kiasi kikubwa na mashambulizi ya kulipiza kisasi ya Israel, Regev alisema bajeti ya nchi yake inalenga kujenga upya jamii za kusini mwa Israel.

    Aliongeza kuwa anatarajia kuwa washirika wengi wa kimataifa watakuwa tayari kufadhili juhudi za ujenzi wa Gaza.

    "Si lazima ziwe fedha za Israel...Hivi sio vita ambavyo tulivianzisha au ambavyo tulitaka, kama unavyojua. Hamas inabeba jukumu la kuzuka kwa mapigano," alisema.

    Unaweza kusoma

    Kwa nini Wapalestina waliokimbilia Kusini mwa Gaza wanarudi Kaskazini?

    Israel-Gaza: Familia zapata faraja baada ya mateka kuachiwa huru

    Je, Israel "itatengwa" kimataifa kwa sababu ya vita vya Gaza? - Magazeti ya Israel

17. 28 Novemba 2023Watu 11 wafariki dunia katika mgodi wa madini Afrika Kusini

    

    Chanzo cha picha, AFP

    Watu 11 wameuawa mgodi wa madini ya platinam nchini Afrika Kusini, kulingana na kampuni ya uchimbaji madini ya Implats.

    Ajali hiyo ilitokea Jumatatu mchana katika eneo la Impala Rustenburg katika jimbo la Kaskazini Magharibi.

    Msemaji wa kampuni aliiambia idhaa ya kidijitali ya Afrika Kusini eNCA kwamba watu 88 "walihusika katika tukio hilo" na kwamba watu 11 "kwa bahati mbaya wamefariki dunia kutokana na majeraha".

    Operesheni ya uokoaji ndani ya mgodi imekamilika, msemaji huyo aliongeza.

    Taarifa ya kampuni ilisema tukio hilo lilihusisha kamba iliyounganishwa na "usafirishaji wa wafanyikazi", ambayo huwapandisha watu juu na ndani ya mgodi. Usafirishaji unajumuisha ngazi tatu, kila moja ikiwa na uwezo wa kubeba watu 35, Implats ilisema.

18. 28 Novemba 2023Samuel Paty: Vijana sita wa Ufaransa wanashtakiwa kwa mauaji ya mwalimu

    

    Chanzo cha picha, Reuters

    Vijana sita wamefikishwa mahakamani mjini Paris kwa tuhuma za kuhusika katika mauaji ya mwalimu Samuel Paty.

    Watoto hao wanatuhumiwa kwa kashfa na kumwelekeza Bw Paty kwa muuaji wake, mkimbizi wa Chechnya, katika shule hiyo.

    Walikuwa na umri wa kati ya miaka 13 na 15 wakati wa mauaji hayo mwaka wa 2020, huku kesi hiyo ikiendeshwa bila ya watu.

    Vyombo vya habari vya eneo hilo vinaripoti kuwa washukiwa hao, ambao wanakabiliwa na kifungo cha hadi miaka 2.5, walificha utambulisho wao walipofika katika mahakama ya watoto Jumatatu.

    Bw Paty alidungwa kisu na kukatwa kichwa tarehe 16 Oktoba 2020 baada ya kuripotiwa kuwaonyesha wanafunzi katuni za Mtume Muhammad wakati wa darasa la uhuru wa kujieleza.

    Mshukiwa mdogo zaidi alikuwa na umri wa miaka 13 wakati wa mauaji hayo.Alisimamishwa shule siku tisa kabla ya mauaji ya Bw Paty - kwa sababu zisizohusiana na kesi hiyo.

    Alifika mahakamani huku kichwa chake kikiwa kimefichwa kabisa kwenye kofia ya koti jeusi chini, kulingana na shirika la habari la AFP.

    Anadaiwa kumwambia babake bila ukweli kwamba aliadhibiwa kwa kumkabili Bw Paty kwa madai ya kuwataka wanafunzi Waislamu kuondoka darasani.

19. 28 Novemba 2023Wakati umewadia kuelewa mapenzi ya jinsia moja- Kadinali wa Ghana

    

    Chanzo cha picha, Getty Images

    Mapenzi ya jinsia moja hayapaswi kuwa kosa la jinai na watu wanastahili kusaidiwa kuelewa suala hilo vyema, kadinali mmoja mkuu kutoka Ghana ameambia BBC.

    Maoni ya Kadinali Peter Turkson yanakuja wakati bunge linajadili mswada unaotoa adhabu kali kwa watu wa wanaoshiriki mapenzi ya jinsia moja.

    Maoni yake yanakinzana na maaskofu wa Kanisa Katoliki nchini Ghana, wanaosema mapenzi ya jinsia ni kitu cha "kuchukiza mno".

    Mwezi uliopita, Papa Francis aliashiria kuwa tayari kuwabariki wapenzi wa jinsia moja. Hata hivyo aliongeza, kwamba Kanisa bado linachukulia uhusiano wa jinsia moja "kuwa dhambi" na halitatambua ndoa za jinsia moja.

    Mwezi Julai, wabunge wa Ghana waliunga mkono hatua kali ichukiliwe dhidi ya wapenzi wa jinsia moja katika mswada uliopendekezwa, ambao bado haujaidhinishwa bungeni. Ungepitishwa bungeni ungefanya wale wanaojitambulisha kama wapenzi wa jinsia moja kuadhibiwa kifungo cha miaka mitatu jela.

    Watu wanaoendesha kampeni ya kutetea haki za wapenzi wa jinsia moja pia wanakabiliwa na hatari ya kufungwa jela hadi miaka 10.

    Mapenzi ya jinsia moja tayari ni kinyume cha sheria na hukumu yake ni kifungo cha miaka mitatu jela.

    Katika taarifa yao mwezi Agosti, iliyotolewa pamoja na makukundi mengine makuu ya Kikristo nchini humo, maaskofu wa Ghana pia walisema kwamba nchi za Magharibi zinapaswa "kuzuia majaribio yasiyokoma ya kutuwekea maadili ya kitamaduni ya kigeni yasiyokubalika", gazeti la Catholic Herald liliripoti.

    Kardinali Turkson, ambaye wakati fulani amekuwa akionekana kuwa mgombea wa baadaye wa papa, aliambia kipindi cha HARDtalk cha BBC kwamba "watu wa LGBT wanaweza wasihukumiwe kwa sababu hawajafanya uhalifu wowote".

    "Ni wakati wa kuanza elimu, kusaidia watu kuelewa ukweli huu ni nini, jambo hili nini. Tunahitaji elimu zaidi ili kuwafanya watu ... kutofautisha kati ya uhalifu na sio uhalifu," aliendelea kusema.

    Kadinali alisisitiza hoja hiyo akitolea mfano moja ya lugha za Ghana, Akan, kuna usemi "wanaume wanaofanya kama wanawake na wanawake wanaofanya kama wanaume".

    Alidai kuwa hii ni dalili kwamba mapenzi ya jinsia moja sio mwenendo wa tabia kutoka nje. "Kama kiutamaduni tungekuwa na misemo... ina maana tu kwamba si geni kabisa kwa jamii ya Ghana."

    Hata hivyo, Kadinali Turkson alisema anafikiri kwamba kilichosababisha juhudi za sasa za kupitisha hatua kali dhidi ya wapenzi wa jinsia moja katika nchi kadhaa za Afrika ni "majaribio ya kuunganisha baadhi ya michango na misaada ya kigeni na maslahi fulani ... kwa nia ya kupigania uhuru, kutetea haki".

20. 28 Novemba 2023Elon Musk azuru Israel baada ya mzozo wa chuki dhidi ya Wayahudi

    

    Chanzo cha picha, Getty Images

    Rais wa Israel amemwambia Elon Musk kuwa ana "jukumu muhimu" katika kuzuia chuki dhidi ya Wayahudi, ambayo yeye na mtandao wake wa kijamii wa X wameshutumiwa kuukuza.

    Akizungumza na mjasiriamali huyo, Isaac Herzog alisema mitandao ya kijamii "ikiwa ni pamoja na baadhi ya wale wanaoziongoza - zina ugonjwa wa zamani wa chuki dhidi ya Wayahudi".

    Siku ya Jumatatu Bw Musk alitembelea Kibbutz iliyolengwa na Hamas katika shambulio lake baya.

    Alitembelea Kfar Aza akiwa na Waziri Mkuu wa Israel Benjamin Netanyahu.

    Bw Musk alionyeshwa picha za mashambulizi ya Hamas ya Oktoba 7 dhidi ya Israel, ambapo watu 1,200 waliuawa na 240 kutekwa nyara, ikiwa ni pamoja na picha za kikatili kutoka kwa kamera za mwili.

    Wizara ya afya inayoendeshwa na Hamas mjini Gaza inasema zaidi ya watu 14,500 wameuawa katika mashambulizi ya Israel ya kulipiza kisasi.

    Wawili hao pia walifanya mazungumzo mafupi ya moja kwa moja ya X, ambapo Bw Musk alikubaliana na Bw Netanyahu kwamba njia pekee ya kupata amani na usalama ni kuvunja Hamas.

    Safari hiyo pia ilisaidia kufikiwa kwa makubaliano kuhusu huduma ya mtandao wa Starlink wa Bw Musk, .

    Baada ya Gaza kukumbwa na usumbufu mkubwa wa mawasiliano huku Israel ikizidisha operesheni zake za kijeshi, Bw Musk alikuwa amependekeza kuipa Starlink mashirika makubwa ya misaada katika eneo hilo.