ፈላማይ ዙርያ ውድድር ተፈጥሮኣዊ ስእልታት

ብውሑድ ዳታ ጽሑፍ ጥራሕ ኣንብቡ

Published 26 መስከረም 2017

ንሕንሕ ንፉዕ ሰኣላይ ተፈጥሮኣዊ ገጽ ምድሪ 2017 ተጀሚሩ ኣሎ። ዛጊድ ድማ ቀልቢ ብዙሓት ክስሕብ ኪኢሉ'ዩ። ሕዳር 17 ድማ ክዕጾ'ዩ።

ቢጫ ጭንቁራዕ — መግለጺ ስእሊ, ሰኣሊ ኣንጋድ ኣቻፓ ነዛ ቢጫ ጭንቁራዕ (ዕንቁርዖብ) ኣብ ህንዲ፣ ኣጉምቤ ካርናታካ ኣብ ዝበሃል ዝናብ ዘይፍለዮ ከባቢ'ዩ ሲኢልዋ። እዛ ዓይነት ጭንቁራዕ ቅድሚ ሕዚ ኣብ ከባቢ ጫፍ ዓይና ብዘሎ ሰማያዊ ሕብሪ መሰረት ተገይሩ '' ጭንቁራዕ ሰማያዊት ዓይኒ'' ዝብል መጸውዒ ነይርዋ።

ባቡር ቢንቶ እንትትሰግር — መግለጺ ስእሊ, መገዲ ባቡር ታዳሚ ፋኩሺማን ኒጋታን ዘራኽብ ሓዲድ ኮይኑ፡ ናጽላን ብኤሌትርክ ዘይሰርሕ መስመርን'ዩ። ብፍላይ ሩባ ታዳሚ ኣብ ባቡር ኮይንካ ክትርእዮ ኣዝዩ በሃግን መሳጥን ከምዝኾነ ሰኣላይ ቲሮ ኣራያ ይገልጽ። በዚ መስመር እትሓልፍ ባቡር ብርክት ዝበሉ ቢንቶታት ሰጊራ'ያ እትኸይድ። ኣብ መንገድኻ ሓምላይ ገጸ ምድሪ፣ ግመን ደበናን እናረኣኻ ትኸይድ።

ዕቑር ማይ ቲዳል — መግለጺ ስእሊ, ''ኣብ ሰሜናዊ ኖርወይ፡ ደሴት ሉፈተን ዝርከብ ዑቁር ማይ ቲዳል ዓይንኻ ዝገዝእ ውቁብ ተፈጥሮ'ዩ'' ይብል ሰኣላይ ፈሊክስ ኢንደን ብዛዕባ ስእሉ። ምልእቲ ወርሒ ክትወጽእ እንከላ ድማ ፍሉይ መዓርግ ኣለዎ።

ኣፍራስ ኣብ ሰውሒ — መግለጺ ስእሊ, ኣጋ ወጋሕታ ጸሓይ ምስበረቐት ክልተ ኣፍራስ ኣብ ሮማንያ ግድሚ (ኩርባ) ፉንዳቱራ ፖኖሩሉ ሰዕሪ እናገሃጹ።

ጸዕዳን ጸሊምን ስእሊ ዝሕንሕን ኣንበሳ — መግለጺ ስእሊ, ኣብ መዕቖቢ እንስሳት ኬንያ ኣንበሳ ማሳይ ማራ እናሓንሐነ ብሰኣላይ ዮኤል ፊሸር ዝተሳእለ።

A blue heron on the water. ኣዕዋፍ ብሉ ሄሮን ኣብ ቃላይ — መግለጺ ስእሊ, ብሉ ሄሮን ዝባሃላ ዓይነት ኣዕዋፍ ኣብ ሙምባይ፣ መዕቖቢ እንስሳት ዴላወር ብጄሪ ኣም ኢንዴ ዝተሳእለ። እዚ ዓይነት ምርኢት እንትገብራ ዋላ ሓንቲ ንፋስ ኣይነበረን።

ሰብ ኣግማል ጸሓይ እንትተዓርብ ተሰሪዖም እናኸዱ — መግለጺ ስእሊ, ኣዕዋፍን ሰብ ኣግማልን ኣብ ገምገም ባሕሪ ምዕራብ ኣውስትራሊያ ብሪጋ እናተጓዕዙ ብሰኣላይ ቶድ ኬኔዲ ዝተሰኣለ

ድቢ ኣብ ሩባ — መግለጺ ስእሊ, '' ሰለስተ ወርሒ ዝዕድሚኣ ጽብቕቲ ድቢ ምስረኣኹ ካሜራኻ ደርቢኻ ከይድካ ሰዓማ መጽዩኒ ነይሩ። ግን ኣዲኣ ኣፍጢጣ ትጥምተኒ ነይራ''። ይብል ኣብ ሩስያ ካምቻትካ ዝሰኣለ ኣናት ጉትማን።

ኣዕዋፍ ሰማይ — መግለጺ ስእሊ, በብዓመቱ ካብ ወርሒ ታሕሳስ ክሳብ መጋቢት ኣብ ዘሎ ግዜ ክረምቲ፡ ሰሜናዊ ክፋል ካሊፎርንያ ብዝተፈላለዩ ዓይነታት ኣዕዋፍ ይምዕርግ። ሰኣላይ እዛ ስአሊ ጀሰን ቱዶሮቭ ነፋሪት ብናህሪ እናተጓዕዘት እንከላ ኣብ ሰማይ ኮይኑ ዝሰኣላ እያ።

ዓሳታት ኣብ ውቅያኖስ ተኣኻኺቦም — መግለጺ ስእሊ, እዛ ስእሊ፡ ብኣሚኢት ኣሽሓት ዝቑጸሩ ዓሳታት ኣብ ደቡባዊ ኣውስትራሊያ እዋን ቁሪ ተኣኻኺቦም ዘርኢ ስእሊ እዩ። ነንሓድሕዶም ተደላልዮም ብብዝሒ ዝተረኣይሉ'ዩ። ሳኣሊኡ ድማ ካሜሮን ማክፋሪን

'ኣሊጋተር' ሓውሲ ሓርገጽ ካብ ቃላይ እንትወጽእ። — መግለጺ ስእሊ, እዚ ስእሊ ኣብ ኣሜሪካን ቻይናን ጥራሕ ዝርከብ ኣስናኑ በሊሕ ሓውሲ ሓርገጽ ዝኾነ እንስሳ እዩ። ሰኣሊኡ ኮል ፍረቹ '' ብዛዕባ ሃለዋተይ ኣይትጨነቑ ብሕቡእ'የ ስኢለዮ'' ይብል።

ደቀቕቲ ኣዕጽምቲ ሽርምፕ — መግለጺ ስእሊ, '' ኣዝየ ካብ ዝፈትወን ስእልታተይ ሓንቲ እያ'' ዝብል ሰኣሊኣ ኣዳም ሲልቨርማን ሕድሕድ ደቐቕቲ ኣዕጽምቲ ሽርምፕ እንከይተረፈ ኣጉሊሓ እትርኢ ስእሊ እያ

ጽላሎት ሽላታት ሰማይ ኣብ ቃላይ — መግለጺ ስእሊ, ሰኣሊ ክሳባ ዳሮኪዚ ካብ ስርሑ ናብ ገዝኡ እናኸደ፡ ተቐላጢፉ ድሮን መስኣሊቱ ፈታቲሑ ኣብ ልዕሊ ቃላይ ይዝንብዩ ንዝነበሩ ሽላታት ብምስዳድ እንከይተረበሻ ዝወሰዳ ስእሊ'ያ።

ጥውይዋይ ጽርግያ — መግለጺ ስእሊ, እዚ ጽርግያ ናብ ትራንስላቪና ዝወስድ መንገዲ'ዩ። እወ ናብ ትውልዲ ዓዲ ፍሉጥ ሰብ ካውንት ድራኩላ ዝኮነት ትራንስላቪና'ዩ ዝወስድ። ንዓይንኻ ዝገዝእ ጥውይዋይ ጽርግያ

ዉቁባት ሕብሪ ኣብ ጎቦታት — መግለጺ ስእሊ, ሰኣሊ ኣሊያን ቦድርዩ ኣብዚ ምድረበዳዊ ጎቦታት ካናዳ ነታ ሓምለወይቲ ከባቢ ዝሰኣለ'ዩ።

ሓጸርቲ ቪድዮታት ዝለል እና ቀጽል

ሓጸርቲ ቪድዮታት

ትጥቀምሉ ዘለኹም መሳርሒ ኣይተቐበሎን።

መወዳእታ ሓጸርቲ ቪድዮታት