ኣፍሪቃ ብምስሊ፡ ካብ መስከረም 26 ክሳብ ጥቅምቲ 2/2010

ኣብ ዝሓለፈ ሰሙን ካብ ዝተፈላለዩ ሃገራት ኣፍሪቃ ዝተረኸቡውቁባት ስእልታት።

ኣብ ርእሰ ከተማ ሶማልያ ሞቋዲሾ፤ ኣብ ጥቓ ዑናታት ዝፃወቱ ህፃናት።

ኣብ ደቡብ ኣፍሪካ፥ ኣብ መንጎ ጉጅለታት ደቡብ እፍሪካን ኒውዚላንድን ፀዋታ "ራግቢ"ቅድሚ ምጅማሩ ብባህላዊ ኣከዳድና ማዕሪጎም ምድላዋት ዘቕረቡ ሰባት።

ኣብ ኣክራ፥ ርእሰ ከታማ ጋና፡ ሓደገኛ ባርዕ ሓዊ ካብ ዘብፀሖ ጉድኣት።

ኣብ መንጎ ኮንጎ ብራዛቪልን ግብፅን ዝርከብ ቦርጅ ኣልኣረብ ስታድየም ውሸጢ፥ ን2018 ዋንጫ ዓለም ዝተኻየደ መፃረዪ ፀዋታ ክሪኡ ዝተዓደሙ ግብፃውያን ደገፍቲ።

ድሕሪ 20 ዓመታት ግብፂ ንኮንጎ ብራዛቪል 2 ን1 ብዝኾነ ውፅኢት ኣብ ዝሰዓረትሉ ፀዋታ ኩዕሶ እግሪ።

ቅድሚ ሕዚ ብፀዋታ ኩዕሶ እግሪ ህቡብ ዝኾነ ላይበርያዊ ጆርጅ ዊሃ፥ ደገፍቱ ውፅኢት ሃገራዊ መረፃ ሬድዮ እንትከታተሉ።

ደገፍቲ ተቓዋሚ ውድብ ኬንያ ናሳ፥ ኣብ ናይሮቢ ኣብ ዘካየዱዎ ሰላማዊ ሰልፊ ምስ ፖሊስ ተፋጢጦም።

መኽበርቲ ፀጥታ፥ ደገፍቲ ፕረዚደንት ኡሁሩ ኬንያታ'ውን ብሕማቕ ዓይኒ ይሪኡዎም።

ኣብ ግድግዳ ብምስኣል ዝፍለጥ ደቡብ ኣፍሪቃዊ ፋልኮ ዝተብሃለ በዓል-ሞያ ስእሊ፥ ኣብ ጆሃንስበርግ ዝሰኣሎ።

ፎቶታት ካብ ኤኤፍፒ፣ ኢፒኤ፣ ፒኤን ሮይተርስን ዝተረኸቡ እዮም።