’آزادی یا آزادی کے برابر اخیتار بہترین حل‘

کشمیر میں حالیہ کرفیو کا منظر

بھارت کے زیرانتظام کشمیرمیں جاری شورش اور امریکی صدر براک اوباما کے بھارت کے دورے کے تناظر میں بی بی سی اردو سروس نے بعض اہم تھنک ٹینکس اور ماہرین سے بات کرکے کشمیر میں جاری آزادی کی موجودہ تحریک، عالمی برادری کے کردار اور اس مسلے کو حل کرنے کے بارے میں ان کی سوچ معلوم کرنے کی کوشش کی ہے۔

اس سلسلے کے پہلے انٹرویو میں جنوب ایشیائی امور کے ماہر اور جارج ٹاون یونیورسٹی کے پروفیسر رابرٹ ورسنگ نے کہا کہ ان کے خیال میں کشمیر کا ’بہترین حل آزادی یا آزادی کے برابر اختیار‘ ہے، تاہم یہ شاید ممکن نہیں۔ مکمل انٹرویو آپ اوپر دی گئی لِنک کے ذریعے سن سکتے ہیں۔

رابرٹ ورسنگ پہلے کارنیجی اینڈومینٹ سے وابستہ رہے ہیں اور انہوں نے کشمیر پر کافی تحقیق کی ہے۔ ان کی معروف کتاب ’کشمیر ان دی شیڈو آف وار‘ ہے جس میں انہوں نے کشمیر مسلے کے کئی آپشنز بھی پیش کیے ہیں جن کے بارے میں کہا جارہا ہے کہ وہ بعد میں جنرل مشرف کے چار نکاتی تجاویز کی بنیاد بنے۔