نائجیریا میں ڈی ایٹ سربراہ کانفرنس

نائجیریا میں آٹھ ترقی پذیر ملکوں یعنی ڈی ایٹ کی سربراہ کانفرنس ہورہی ہے۔

جس میں پاکستان ، ایران، بنگلہ دیش، ملائشیا، ترکی، انڈونیشیا، مصر اور میزبان ملک نائجیریا کے سربراہان حکومت شرکت کرہے ہیں، تاہم پاکستان کی نمائیندگی سینئر وزیر مخدوم امین فہیم کررہے ہیں۔

یہ ایک اقتصادی فورم ہے، اس میں کیا فیصلے ہونگے اس بارے میں کچھ کہنا تو ابھی قبل از وقت ہے۔

تاہم اس کانفرنس میں ایران کی شرکت اور اس کو ملنے والی پذیرائی کو مغربی ملکوں میں لاطینی امریکہ کے بعد ایشیا اور افریقہ میں بھی ایران کی سفارتی کامیابی سے تعبیر کیا جارہا ہے۔

واضح رہے کہ ایران نے حال ہی میں برازیل اور ترکی یعنی دو ابھرتی ہوئی علاقائی طاقتوں سے قریبی تعلقات استوار کیے ہیں

ہمارے نامہ نگار کا کہنا ہے کہ نائجیریا کانفرنس اس امر کی عکاس ہے کہ ترقی پذیر ممالک سول مقاصد کے لیے ایران کے جوہری ٹیکنالوجی حاصل کرنے کے حق کو تسلیم کرتے ہیں۔