امریکا ده تحصیل آلیش و اجتماعی قییندچلیکلر

افغانستان لیک تبسم ولایت بیرنیچه ییلدن بویان امریکا نینگ فیرمانت ایالتی ده تحصیل آله دی . بوندی امکانیت ایسه هر قندی افغانستان لیک یاشلرگه هم نصیب ایته ویرمیدی .تبسم ولایت امریکا ده گی بیرنیچه ییلیک حیاتی ، اوییرده کی کیچمیشلری اینقسه افغانستان وامریکا آره سیده گی اجتماعی فرق لرگه نظرتشلب قوییده کی لوحه نی بی بی سی اوقوچی لری بیلن اورتاقلشماغچی .

امریکا ده تحصیل آله یاتگن افغانستان لیک طلبه لر، حیات لری حقیده تورلیچه فکر بیلدیره دی لر. ایرم لری حیاتلریدن راضی کورینسه لر بعضیلری ایسه قییندچیلیک بیلن امریکا حیات اصوللریگه عادت قیلگن لرینی ایتیشه دی.

اماموجود قییندچیلیکلرگه قره مسدن اکثریت طلبه لر امریکاده درس اوقیش و یشه ش ،حیاتلریده ایجابی تاثیر قویگنینی ایشانیشه دی.

سونگی 9 ییل مابینیده یوزلب افغان طلبه لری امریکا نینگ تورلی شهر لریده گی عالی درگاه لریده کیریشگه موفق بولیشگن.

افغان طلبه لرنی قبول قیلیب آلگن عالی درگاه لردن بیری "میدلبیری" کالجی دیر.اوندن آرتیق افغان طلبه لری تورلی بولیم لرده عینی کالجده درس آلماقده لر."میدلبیری" امریکا نینگ فیرمانت ایالتی ده گی کیچیک بیر شهری دیر.

فیرمانت کانادا مملکتی بیلن چیگره داش بولگن امریکا نینگ شمالی ایالاتلریدن حسابلنه دی.

فیرمانت ایالتی اساسا امریکا لیک آق تنلیک لر یشه یاتگن بیر منطقه دیر. بیراق "میدلبیری" عالی اوقو یورتی دنیا نینگ تورلی مملکت لریدن طلبه لرنی جلب ایتیش بیلن مشهور.

امریکا حیاتیگه ماس له شیش

اوشبو منطقه ده یشه یاتگن افغانلر جمعیتی ایسه اوز حیاتلرینی امریکا حیاتلریگه ماس لشتریشگه حرکت قیلیب کیلماقده لر. شوباعث امریکا ده گی حیات توغری سیده افغانلرنینگ فکرلری خیل –مه-خیل.

اینقسه افغانستان لیک ایرکک وعیاللرنینگ فکرلری بیر-بیراویدن انچه فرق قیله دی.

یقینده عالی اوقو دوره سینی بترگن اسما ناصر، اوتگن بیرنیچه ییل امریکا ده گی حیاتی دوریده بیر قطار فرهنگی قییند چیلیکلر لیک لرگه دوچ کیلگننی ایتدی.

اونگه کوره، افغانستان و افغانستانگه اوخشه گن مملکت لرده ایرکک لر وعیاللر ایری-ایری جمعیتگه ایگه لر، شوباعث اره لشگن جمعیتگه ایگه بولگن امریکا کبی بیر مملکت ده کونیکش، افغانستان لیک لر اوچون قییند بیر مساله دیر.

خانم ناصر، ایرکک لر و عیاللر بیر دیک فایده لنه دیگن حماملر، عیاللر و ایرکک لر بیرگه تحصیل آله دیگن صنف خانه لر و همه دن مهم ایرکک و عیال نینگ کورله دیگن جمعیت گه کونیکشی قیین بولگنینی ایتدی.

"ایرکک و عیاللر بیردیک فایده لنه دیگن حمام ودرس خانه لر یانیده، فرقلی طعم- طعامنی صرف قیلیش و اونگه عادت قیلیش کوپراق قیین توشدی" دیب ایتدی اسما ناصر.

امریکا ده حیات نینگ افغانستان حیاتیدن فرقلی بولیشی طبعیی دیر. حیات و اذیق- اوقت طعمی بوتونلی اوزگه چه. بوییرده هر کیم اوزی بیله دی و دنیاسی، خیالی و ریجه لری.

افغانستان لیکلر افغانستان دن توریب، غرب لیک لرمدنیتلی بولگنی اوچون اولرنی اجتماعیراق دیب توشینیش لری ممکن. لیکن کوپچیلیک بوتوشونچه نی رد ایته دیلر. بو حالتنی اینقسه کیچیک و چیتته توشگن اوقو یورتلریده کوپراق کوزه تیش ممکن.

"مهرومحبت آزلیگی

مهناز رضائی افغان عیال طلبه لریدن ینه بیری. او اوقو درگاهیده یقینده کیلگنلردن بیری.

خانم رضائی امریکاده گی اجتماعی حیاتگه اره لشیب کیتیش قییند بیر جریان بولگنینی تاکید لیدی.

اونینگ ایتیشچه جمعیتلر اورتهسیده گی فرقلرطفیلی امریکالیک و افغان عیاللری آره سیده یقین لیک آزراق.

"بیراق وطن دن تشقری بولیش نینگ ییرک تعلیمی، جمعیتی، سیاسی و اجتماعی سباق ایکن. امریکا ده کیلیب تحصیل آلیش نینگ اوزی فکرم نی هر بیر ساحه ده کیینگیتیریشگه یاردم ایتگن. بلکیم بو، فرقلی تعلیم دستوری یا ایککی فرهنگ حکمتی طفیلی دیر" ديدی مهناز.

مینمچه،" میدلبیری" اوقو درگاهیده مهر و محبت آز بولگنیگه کوپینچه به دولت امریکالیک و خلق آرا طلبه لرنینگ حضوری بولیشی ممکن.

تمدی خانه (طعام خانه) ده آق و قاره تنلیک لر، شرقی و جنوبی آسیا لیک لربیربیرلری بیلن قوشیلشمیدی.

مللت،رنگ و منطقه آره ده گی چرلیککه سبب بولگن.

لیکن هرحالده بو مسآله باشقه بیر مملکت دن کیلگن لر اوچون تعلیمی و یا سیاست قییند چیلیک ایمس بلکه ایچکی تویغو لر بیلن باغلیق معما دیر.

اوزرا صحبت لرده افغانستان لیک اوغیل باله لرایسه اجتماعی شرایط و وضعیت دن شکایت ایتمیدی لر.

افغان ایرکک طلبه لری و امریکا حیاتی

اولر کوپراق امریکا نینگ ایجابی تعلیم دستوریگه اشاره ایتدی لر.عالی اوقویورتنی بترگنلردن بلال سروری، بو ییر فقط افغان لر ایمس بلکه دنیا نینگ باشقه منطقه لریدن کیلگن طلبه لر کیله جگلریگه ایجابی تاثیرقوییب، اولرنی مملکت لری کیله جگیگه مهم بیرشخصیت تربیه لهشگه ییرک فرصت یره تگن دیب ایتدی.

اونگه کوره، بونگه سبب استاد وطلبه آره سیده ایشانچلی علاقه نینگ موجود لیگی دیر. "امریکا عالی درگاه لریده اوقوتوچی سیز بیلن اورتاق. لیکن افغانستان عالی درگاه لریده گی اوقوتوچی لرگه سلام قیلیش هم اوزیگه خاص جرئت وجسارت طلب ایته دی." دیب ایتدی بلال سروری.

او سوز ایرکینلیگی و مستحکم علاقه لرنینگ بارلیگی کوپلب معما لرنی برطرف ایتگن لیگی گه ایشانه دی.

امریکا ده تحصیل آلیش اوچون کیلگن افغانستان لیک عیال و ایرکک لرنینگ فکر وتجربه لری هر دایم فرق قیلیب توره دی.

بیر سوال گه خیل مه خیل جواب ایشتته سیز. بعضی حاللرده ایککی جنس بیر- بیرلری نینگ فکرلرینی رد ایته دیلر.

انسان شناس لیک علمیگه کوره عیال و ایرکک نینگ تجربه سی احساس وتویغو نقطه ی نظریدن فرق قیله دی. ایرکک لر عمودی اویله سه عیالر افقی اویله ی دیلر.

ایرم حالت لرده عیاللرنی فرهنگ باقوچیلری دیب ایتدی لر شو اوچون هم بیگانه فرهنگ نی قبول قیلیب آلیش اولر اوچون قییندراق بولیشی ممکن.

عکس حالده، ایرکک لر ایسه موجود مدنی ایرکین لیکلردن فایده لنیش اوچون هیچ قنده ی قییند چیلیکلرگه دوچ کیلمسلیک لری ممکن .