تخار ولایتیده قوریش ایشلری قندی کیچماقده

قیرتوکیلگنیدن بیرنیچه آی اوتیب اوتمس تالقان وبهارک آره سیده کی یول بوحالت گه ایلنگن.

تخارولایتی نینگ مرکزی تالقان شهرینی سککیز ولسواللیک بیلن باغلاوچی یول نینگ قوریش ایشی قریب ایککی ییل آلدین باشلنگن اما قیر توکیلگن یول نینگ اکثرقسمی قیته بوزیلگنی اهالینی شکایتلریگه سبب بولگن.

قریب یوز ایگرمه کیلومتر اوزون لیگی بولگن اوشبو یول نینگ قیته قوریلیب کینچه لیک قیر توکلیشی ایککی ییل جریانیده توگه یشی ریجه لنگن ایدی.

اما شو قدر زمان اوتیشی بیلن فقط گینه اوشبو یول نینگ اون بیش کیلومتری قوریلگن وخلاص، باشقه تماندن ایسه اهالی قیر توکیلگن یول نینگ بیرنیچه آی اوتیب اوتمس قیته بوزیلگنیدن شکایت بیلدرماقده لر.

تخار ولایتی نینگ اهالیسی یول نینگ اساسی بیرشکلده قوریلمه گنینی قتیغ قاره لب، بوخصوصده دولت ملازملری و یول قوروچی شرکتی نینگ مسوول دیه بیله دیلر.

عینی حالده اهالی یول نینگ اوته تارلیگی باعث کونده لیک بیرنیچه ترافیکی حادثه یوزبیریب کیله یاتگنینی تاکیدلیدی.

معلومات لرگه کوره سککیز ولسواللیگینی باغلاوچی یول نینگ قوریش ایشی نیچه بولیمگه اجرلیب اوچ خصوصی ایچکی یول قوروچی شرکتلر بیلن بیتیم امضالنگن.

اهالی ایسه اوشبو شرکت لرنینگ دولت بیلن بولگن کیلشوو اساسده ایش قیلمه یاتگنیگه عیبلب، دولت نینگ بوخصوصده جدی اعتبار قره تیشینی طلب ایته دیلر.

تالقان شهریدن بهارک ولسواللیگیگه چه بولگن یول نینگ قیر قیلیشنی قرارداد قیلگن بادغیس ناملی یول قوروچی شرکت مسوللریدن، انجنیر رفیع اهالینی شکایت لرینی توغری دیب اساسی معما باشقه چه بولگنینی اورغولیدی.

قیر کیترگن موتر

اونگه کوره قوریله یاتگن اوشبو یول نینگ اوچینچی درجه لی اسفالت له نیشیگه کیلیشیلگندیب، قیرتوکیلگن یول نینگ اوچینچی درجه لی قیر توکیش معیاریگه ماس لیگینی ایته دی.

عینی حالده رفیع جنابلری قوریله یاتگن یول نینگ دولت مسووللری تمانیدن تیکشریلگنینی ایتیب بوخصوصده دولت نینگ راضی ایکنینی تاکیدلیدی.

عامه درامد وزیرلیگی نینگ شمال شرق بویچه مسوولی انجنیر فریدون نینگ ایتیشیچه اوشبو یول نینگ بوزیلگن جایلرینی اینگ آز بیرییلگه چه قیته قوریلیشی اوشبو شرکت ضیمه سیگه قوییلگن.

شونگه قوشیمچه قیلیب فریدون جنابلری اهالی تمانیدن بولگن شکایتلرنی هم اساس سیز ایکنینی ایتگن.