ایساف کوچلری تمانیدن اویشترلگن حربی عملیاتده ایرم عادی اهالیدن هم تلف بولگن دیگن ادعا لر بیلن لغمان ولایتی مرکزیده ناراضی لیک نمایشی یولگه قویلگن.
افغانستان شرقیده گی لغمان ولایتده عصیانیچلرگه قرش قره تیلگن لیگی ایتلله یاتگان حربی عملیاتده اوتیز کیشی عصیانچیلردن هلاک بولگن لیگی ایتلماقته
.ایساف تمانیدن چیقاریلگن خبرنامه گه کوره، عصیانچیلر ایساف و افغانستان خوف سیزلیک کوچلری تمانیدن هجومگه توتیلگن.
لیکن ایرم اهالی بو گون لغمان ولایتده گی حربی عملیاتده عادی اهالیدن هم تلف بولگن دیگن ادعا بیلن ناراضی لیک نمایشی اویشترشگن.
ایساف تمانیدن چیقاریلگن خبرنامه گه کوره، اتقاق کوچلر ی ، عصیانچیلرنی لغمان ولایتی نینگ الیشنگ ولسوالیگده هجوم گه تو تیشگن.
خارجی حربیلرو افغانستان خوف سیزلیک کوچلری اشتراکیده عصیانچی طالبلرگه قرشی اوشترلگن هجومده کمیده 30 کیشی عصیانچیلردن هلاک ایتلگن.
ایساف خبرنامه سیده ایتلیشچه بو گون ییرته لب باشله تیلگن حربی عملیات حاضر گه چه هم دوام ایتماقته.
لغمان ولایتی نینگ الیشنگ ولسوالیگده طالب لرگه قرشی قره تیلگن حربی عملیات ده 250 کیشی افغانستان ملی اردو کوچلری و ایساف کوچلری قتنشه یاتگان لیگی ایتلماقته.
ایساف کوچلریگه کوره، عصیانچی طالب لرگه قرشی هجوم ، عصیانچیلر یشرنگن منطقه جاسوس لیک خذمت لری تمانیدن معلوم بولگندن کیین حربی عملیات باشله تیلگن، طالب لرگه قرشی عملیاتده هوایی و زمینی کوچلردن فایده لنیلگن.
ایساف خبرنامه سیده ذکر ایتلیشچه، عملیات جریانیده عصیانچیلر ینگیل قورال لر بیلن قرشی لیک کورسه تیشگن.
لغمان ولایتی نینگ والی سی گل رحمن همدرد هم اوشبو حادثه نی تصدیق لب اما حاضرگه چه عادی اهالیگه هیچ قندی ضرر یتمه گن لیگی نی اورغوله دی.
افغانستان شمالیده گی بلخ ولایتی نینگ خوف سیزلیک مسوللری هم کیچه یوز بیرگن انتحاری هجوم باره سیده تحقیقات ایشلری دوام ایته یاتگان لیگی نی اورغوله ماقته.
بلخ ولایتی پولیسی نینگ سوزچی سی شیرجان درانی گه کوره، انتحاری هجومچی جسدی بلخ ولایتی کسل خانه سیگه آلیب کیلنگن ، انتحاری هجومچی افغانستان لیک می یا کی خارج وطنداشی ایکن لیگی تیکشرلماقته.
کیچه مزار شریف شهری و بلخ ولسوالیگی شاه یولیده سویدن لیک حربیلر کاروانیگه قرشی اویشترلگن انتحاری هجومده بیر باله هلاک بولدی و 30 گه یقین انسان ایسه یره لندی.
بلخ ولایتی نینگ خوف سیزلیک مسوللری ، انتحاری هجوم قربانلری فقط گینه عادی اهالی ایکن لیگی و خارجی حربیلرگه هیچ قندی ضرر یتمه گن لیگی نی اورغولشدی.
بلخ ولایتی نینگ پولیسگه کوره، اوشبو انتحاری هجومنی ریجه له گن شخص و یا گروهلرنی قولگه آلیش و بونگه اوخشش هجوملرنی آلدینی آلیش اوچون تحقیقات ایشلری باشله تیلگن .
