مدنی تشکیلات لر: تینچلیک شورا اوچون خواطر ده میز
مملکت نینگ یوزلب مدنی تشکیلاتی بوگون تینچلیک عالی کینگاشی اوچون جمهور رییس کرزی تمانیدن سیله نگن اعضالری خصوصیده قرشی لیک کورسه تدی لر.
اوشبو مدنی قوریلمه لر بیر یغین یولگه قویب تینچلیک شوراسی اعضالری نینگ تجربه لری نی اوریش گه باغلیق بولگنی نی ادعا قیلیب اولر نینگ اورنیگه تخصص گه ایگه بولگن کیشی لرنینگ کیتریشی نی سوره دیلر.
افغانستان حکومتی حاضر گه چه مدنی تشکیلات لری نینگ اوشبو اعتراض لری خصوصیده هیچ بیر نیرسه دیمه گن.
جمهور رییس کرزی نیچه کون آلدین تینچلیک عالی کینگاشی گه 68 کیشی نی اعضا صفتیده معرفی قیلدی . اوشبو شورا نینگ اعضالری مابینیده کوپ گینه جهادی رهبر لر و قوماندانلر موجود.
افغانستان حکومتی تینچ لیک عالی شورا سی نی ، ملی مصلحتی کینگاشی نینگ پیشنهادی یوزه سیدن ، طالبان گروهی بیلن مذاکره قیلیش مقصدیده اورته گه کیلتیرگن.
مملکت نینگ بیش یوز گه یقین مدنی قوریلمه لری ، قوشیمچه ، افغانستان خاتین لری نینگ سراسر جمغرمه سی ، حکومتی سیز موسسه لرنینگ هماهنگ ایتوچی نهادی ، اجتماعی عدالت نینگ گروهی ، بشر حق لری نینگ سقله ش نهاد لری ، و شونگه اوخشه گن باشقه اونلب مدنی تشکیلات لر بوگون گی یغین گه اشتراک ایتگن ایدیلر.
اوشبو یغین گه اشتراک قیلگن لر ، حکومت نینگ طرحی طالبان بیلن مذاکره قیلیش خصوصیده قره مسدن ، تینچلیک عالی شورا سی نینگ اوشبو مقصدگه توزه لیشیدن خواطرگه توشگن لیگلری نی ایتدی لر.
خاتین لرنینگ حقی دن دفاع ایتوچی ثریا پرلیکا :
"مدنی تشکیلات لر یره شیش اوچون دولت تمانیدن یولگه قوییلگن استراتیژی دن خواطرگه بولیب ، تینچلیک عالی شورا سی نینگ اعضالری نی لیستی دن هم خواطر گه توشگنی نی اعلان قیله دی.
اوشبو لیست گه اورین آلگن لر نینگ تجربه لری تینچلیک دن کوره کوپراق اوریشده دیر. "
بوندن آلدین هم مدنی قوریلمه لر نینگ نماینده لری ، تینچلیک عالی کینگاشی گه اوشبو قوریلمه لرنینگ احتمالی حضور لرینی آز و سمبولیک دیگن ایدیلر.
تینچلیک شورا سی نینگ اعضا لری حکومت تمانیدن اعلام بولگنی دن کیین طالبان گروهی هم اوشبو شورا نینگ تشکیلی نی فایده سیز دیشیب اولکه گه تینچلیک نی برقرار قیلیشیگه یاردم بیرمه یدی دیب اعلام قیلدیلر.
تینچ عالی شورا سی نینگ توزه لیشی ، جاری ییل تابستانی گه یولگه قویلگن ملی مصلحتی قوریلتایی نینگ مهم پیشنهاد لریدن ایدی. اوشبو قوریلتای افغانستان خلقی نینگ 16 یوز کیشی گه یقین نماینده لری نینگ اشتراکی بیلن کابل گه یولگه قویلگن ایدی.
