قندهارعملیاتی دوام ایتماقده
ناتوکوچلری قندهارعملیاتی نینگ دوام تارتیب کیله یاتگنینی اورغولب، یول چیککه سیده اورنه تیلگن ماینلرنی پارتله تیش اوچون ینگی اسکونه دن فایده لنیب کیلینه یاتگنینی ایتگن.
قندهار ولاییتیده عصیانچیلرگه قرشی افغان وایساف کوچلری تمانیدن یولگه قویلگن حربی عملیات جدی بیرشکلده دوام تارتیب کیلرایکن ، خارجی کوچلر ایسه اوشبو عملیات نینگ تلفاتی ازبولیب، لیکن ایجابی قره ب باره یاتگنینی اورغوله گن.
عینی حالده ایساف کوچلری یول چیککه سیده اورنه تیلگن ماین لرنی تازه لش اوچون ینگی اسباب اسکونه لردن قوله نیب کیلینه یاتگنینی ایتدی "بو مخصوص بیر تازه لش اسکونه سی دیر، بو اسکونه آرقه لی بیز یول یانیده اورنه تیله یاتگان ماین لرنی پارتله ته میز. بیز بو قورال آرقه لی نه فقط ایساف کوچلری تلفاتنی آزلتره میز بلکه عادی اهالی تلفاتی سانینی هم ازلتره میز .بو مخصوص بیر اسکونه دیر بو جوده خارق العاده ایشلرنی بجره دی و یول یانیده ارونه تیله یاتگان ماین لرنی پارتله ته دی" دیب ایتدی ایساف کوچلری نینگ عامه علاقه لر مسوولی گیر کیشنر.
معلومات لرگه کوره قندهارده کی حربی عملیات حاضرهم ارغنداب وژیری تومنلریده دوام تارتیب کیلماقده شونینگدیک اهالی اوشبو عملیات جریانیده کوپلب اویلر ویران وبیرقنچه اهالی نینگ اوز اوی جایلردن بدرغه بولگنینی ادعا قیلگن.
محلی رسمیلر هم اوشبو عملیات جریانیده بیرقنچه اویلر بوزیلب شونینگ دیک ایریم کیشیلرنی خوف سیزلیک مسووللری تمانیدن حیبسگه الینگنینی تن الگن،همده رسمیلری اوی جای بوزیلگن عاییله لرگه یاردم بیریلیب و توتقینگه الینگن گناه سیز کیشیلرنی قویب یوباریلشینی معلوم قیلگن.
قندهار ولایتده کی حربی عملیات عصانیچلرنی تازه لش دولت اداره لرینی مستحکم لش، همده قیته قوریش ایشلرینی طالبلر نظارتی استیدن چیقاریلگن منطقه لرده روجلنتریش مقصدی بیلن یولگه قویلگن لیگی تاکیدلنگن. اوشبو عملیات نیچه ایی الدین یولگه قویلیب حاضرهم دوام تارتیب کیلماقده.
عینی حالده ایساف وافغان کوچلری قندهار ولایتی نینگ ایریم منطقه لریدن قوراللی طالبلر یوق ایتیلیب اوشبو لایت نینگ ایریم منطقه لریده تورت یوزدن ارتیق خوف سیزلیک پوسته لری قوریلگنینی ایتگن.
